Igbeelhom Omhạr Phọ Enhaạn Dị Egbatanhaạn Dị Kopạm Uwanyụ ANovember

AZizọs agbeelhom ni “ooḅi oghaạph ilọ omạr phọ k’Enaạn.” (Luk 4:43) Aḅilhẹ atughemhị we ilọ ooḅereghị ghan olhọm mọ Omhạr phọ aru. (Mat 6:9, 10) Uwanyụ aNovember, yira kolọgh ni ikuph dị egbatanhaạn ogbeelhom ilọ Omhạr phọ k’Enhaạn. (Mat 24:14) Ḅoonhomhị raraạr pidị nạ arue aphinhom aani bin igbeelhom mọ. Torobọ okọy eten ekulha amem katue ni asopha ongọ 30- obobọ 50-awạ uwanyụ aNovember phọ.

Ḍeenhaan ni we dị nạ katue ateẹny siphẹ ekool oḍighi phọ anyinha riisi aBaibul dị eghaạph ilọ Omhạr phọ k’Enhaạn. Tutụ nạ kabạl esi aBaibul, tuutughiạn ni ekụ iiḅereghị uwotu phọ. Eḍighi maạr dị oye phọ aḍeenhaan ḍiḅeeraạn eḅẹl amem mọ, pọ ngọ nyodị The Watchtower No. 2 2020, opọ erugh phọ. Miịn ni mọ nạ anuụn ni aḅilhẹ aḅula, kụ akparaghạ osighẹ aḍinyạ dị edi siphẹ Igbe Araraạr Otughemhiọm mọ ayira omhiighom otughemhị aBaibul. Moọny amem, Omhạr phọ k’Enhaạn kapiemhi torobọ iikpọ itooghị dị rebe elhephiri keghị esi Omhạr phọ. (Da 2:44; 1Kọr 15:24, 25) Esi iduọn phọ, osighẹ eepoogh phọ ephẹn phọ oḍighinhom oḍeenhaan mọ yira odi agạ aZihova r’Omhạr phọ odị!