Iphelhegbeel Ilọ Omhạr Phọ k’Enhaạn Dị Egbatanhaạn Dị Kopạm Unwanyụ aSeptember!

Unwanyụ aSeptember, yira kologh ni ikuph omạ oḍeenhaan awe mọ Omhạr phọ k’Enhaạn bịn kụ eginha eekonhom iiḅaghamhị awe. (Mat 24:14) Nạ kaḍighom aani ika? Ḅenhị onhụ awe dị nạ katue ilọ esi aBaibul dị eghaạph ilọ Omhạr phọ k’Enhaạn. Eḍighi maạr dị oye aḍeenhaan ḍiḅeraạn, pọ ngọ nyodị The Watchtower No. 2 2020, opọ erugh phọ. Miịn ni mọ nạ anuụn ni aḅilhẹ aḅula, kụ akparaghạ omhiighom itughemhị aBaibul r’abrosọ phọ Kelhọm Ghuḍum K’agee-pọ! Torobọ okọy eten ekulha amem siẹn unwanyụ phọ aSeptember katue ni asopha ongọ 15-obobọ 30-awạ.

Moọny amem Omhạr phọ k’Enhaạn kaagbị ni oomo itooghị dị ee elheberi rekị esi odị. (Da 2:44; 1Kọr 15:24, 25) Eḍighi idị yira kosighẹ eepogh phọ ephẹn phọ oḍeenhaan mọ yira oḅạr gạ aZihova r’Omhạr phọ odị.