Nạ Kamiteom Ni Loor Oghị Aani Askul Abukaaphọm Ilọ Omhạr Phọ?

Nạ odi ni igbo 23 kụ esi 65 asiạ, kụ aḅilhẹ odi rukumuan oomo amem? Nạ amoon ni loor, kụ katue kẹn ni aḅilhẹ akị torobọ ekpisi dị ewaạm mọ ebụgh? Eḍighi idiphọ, nạ m’aatughiạn ghan ni ogeeghị ilọ oghị aani Askul Abukaaphọm Ilọ Omhạr phọ? Emhiigh k’eḅẹl amem mọ askul phọ amite bọ, asimuunịr aburulom r’anmariịr abidị, abumor r’abumaranhi dị odi dọl egelhenyạ m’oghị aani ni. Toroboiperolbọ, rowạ ni ibadị abumor dị odi dọl egelhenyạ oghị aani. Lọm aZihova ephuọm obughẹ arukumuan phọ nạ rangọ bọ nyodị r’oḅilhẹ otuughaạny oọny ph’odị. (Ps 40:8; Mat 20:28; Hib 10:7) Kụ aphogh mughumọ nạ amoọgh ni dool dị ephạm nyinhạ, idiphọ elọ eghunotu, oḍighi obobọ omhụgh. Eḍighi idiphọ, nạ atue ni aaḅenhion raraạr orue osianhaan aani.

Ighẹn aroopoogh arukumuan kụ edị abudị oghị askul phọ omite romoọgh ghan? Abuniin abudị oghị askul phọ moghị ni eeruen ekpisi obobọ opinhom aani bin oḍighi ogbaanhaạn dị agbatanhaạn igbogh aramhạ. Abunhọn oḍighi otum opoghom eghir, bupoghom eghir, obobọ asimisonarị. Iduọn nạ raatughiạn bọ reten obughẹ arukumuan phọ nạ rangọ bọ aZihova, eḍighi idị nạ kaḅạ aani ikpo onhụ oyil phọ Aizaya mọ: “Poronọ amhị! Urom imhị!”—Isa 6:8.

IPOGH VIDIO PHỌ ASIMISONARỊ—AWE DỊ ODI OḌIGHI IBUGHA, KỤ EPHANYANHAẠN SIPURU PHỌ EDAPHẠN BỌ SIẸN:

• 

  Roselẹ ghan ika budị koḍighi misonarị?

• 

  Eeghe imạ oḍighi kụ edị asimisonarị phọ roḍighi ghan?

• 

  Eeghe kụ iniin aḍisẹph dị asimisonarị phọ rokelhọm ghan?