Burudẹ r’Aburunhiin, Inyaamhị Ibạm Anmụny Phọ Anyinha R’olhegheri Iyaạr

Yira odi aḅirinhi dị igey eḍighi ikarạph, kụ ikarạph eḍighi igey. (Isa 5:20) Kụ dị eeph ni iboom, abuniin awe roḍighi yogh ghan raraạr dị aZihova aghel, dị eḅarạm ni roozọ dị i/kpeanhaạn igbo alhephiri anmụny obobọ nmariịr. Arighirị epẹ otu askul phọ obobọ abunhọn awe kotue ni owạ reten oḍạ imạ ibạm anmụny phọ ayira dị kodaphạn bidị. Nạ kanyaamhị ika ibạm anmụny phọ anạ okpạr opu odẹgh ophogh?

Nyaamhị ibạm anmụny phọ anạ r’olhegheri iyaạr asiigbu phọ aZihova. (Le 18:3) Dị edaphạn siạ r’olhegheri iyaạr phọ abidị, ḅenhị ni idị aBaibul phọ aghaạph ilọ orolhạn esi dị akpeanhaạn. (De 6:7) Puruan loor mọ: ‘Mị matughemhị ni ibạm anmụny phọ amhị egey eten oḍeenhaan ephomhoghiạn, idị emhạn maạr oonmenhan iinmenhan dị esooran, ḅilhẹ r’idị ewạ mọ abunhọn olhọgh eegu dọl ibooghiạn abidị? Ibạm anmụny phọ amhị olegheri ni ilọ oḍighi mem dị oye rawạ oḍeenhaan abidị sifoto aradaḅạ obobọ aḅenhị oḍighi idị aZihova aghel?’ Olhegheri iyaạr katue ni akoph bidị asighẹ esi iiḅaghamhị. (Pr 27:12; Ec 7:12) Otughemhị ghan abidị, eḍighi eten oḍeenhaan ephomhoghiạn emạ erua phọ nạ alhe bọ ḍighaạgh aZihova.—Ps 127:3.

IPOGH VIDIO PHỌ LỌGH OTU DỊ KATỌL ABIA—KOPH NMỤNY PH’ANẠ ASIGHẸ “ESI IKARẠPH,” KỤ EPHANYANHAẠN SIPURU PHỌ EDAPHẠN BỌ SIẸN:

• 

  Uḍighi ika kụ ekparanhaạn bọ buniin awe otughemhị ibạm anmụny abidị raraạr dị egbolhomaam orolhạn esi?

• 

  Uḍighi ika kụ ewạ bọ mọ odẹ r’onhiin ookonhomom nmụny abidị ‘r’oroma aZihova’?—Efẹ 6:4

• 

  Oḍighom mọ aZihova omiteghom eeghe pidị edughanhaan burudẹ r’aburunhiin otughemhị ibạm anmụny abidị ilọ orolhạn esi dị akpeanhaạn?—w19.05 12, igbe

• Uḍighi ika kụ ewạ bọ ogbor oghaaphạn ghan ibạm anmụny phọ anạ kụ ogbi oḍigh esi iiḅaghamhị?