Egbogh Eereẹgh Ghisigh Dị Enhaạn r’AKraist Omiteom

Eeghe ipaanhaạn kụ edị nạ rasomhan ghan torobọ aḍio? Nạ oḍiemhiom eghunotu dị arool ḍiboom adool? Nạ odẹ obobọ onhiin dị oginha anạ rakparaghạ ghan omiteom ongọ eghunotu phọ? Nạ onyọ iḍoọgh dị iigbo anạ rokpuuroghọm ghan nyinhạ otu askul? Nạ asomhan iiḅaghamhị e/moon obobọ aḍikpọ? Torobọ oye amoọgh ni iiḅaghamhị. Ibadị aKristẹn osomhan ibadị mem. Toroboiperolbọ, yira olegheri ni mọ kutagharạn ni iyira esi oomo iiḅaghamhị moọny amem.—2Kọr 4:16-18.

Kụ amem mọ omuphẹ phọ egbi oru, eḍighi ni iyaạr iidereghị olhegheri mọ aZihova anaghanhạn ni ikuph phọ ayira, aḅilhẹ rasereghiạn dọl oḅạr r’okparạm mọ ayira, kụ kusẹph ni iyira agey. (Jer 29:11, 12) AZizọs r’aloor amoọgh kẹn ni ḍiḅeeraạn ayira. Iduọn yira rokumuan bọ idiphọ aKristẹn, odị aguanhaan ni mọ: “Mị odianaan ni r’anyina.” (Mat 28:20) Yira owạ ghan mem ogbiran odọ eereẹgh dị ketọl siphẹ Omhạr phọ Enhaạn, kekparamhị ni oḍuomolhoghi phọ ayira eḅilhẹ inyaamhị iyira okparạm atorobọ odẹgh ophogh.—Rom 8:19-21.

IPOGH VIDIO PHỌ IDIPHỌ IIḄAGHAMHỊ PHỌ RETU BỌ, GBON ZIZỌS!—AḌISẸPH OMHẠR PHỌ GHISIGH, KỤ EPHANYANHAẠN SIPURU PHỌ EDAPHẠN BỌ SIẸN:

• Ika kụ idị omhạr awe mogumọm Enhaạn omhạn, kụ mekọm eeghe?

• Eeghe adọl kụ rekori rebenhẹ phọ aZihova okpẹ bọ oḍuomolhoghi phọ?

• Ika kụ idị edugh bọ dị imạ phọ ipẹ phọ kemite?

• Aḍighẹn aḍisẹph kụ edị nạ ragon omhiịn siphẹ omhoom aḅirinhi phọ?