Olhẹm Mọ Rakparamhị Ghan Oḍuomolhoghi Ayira Esi Osụ-olhoghi AZihova

AZihova ralegheri ghan ni torobọ amem raraạr dị kingọ iyira suọ? Ii! Yira omheeraam ni iphẹn phọ, pọ keḍighi ni osụ-olhoghi odạph iiḅakiọm odị. (Pr 16:3, 9) Toroboiperolbọ, oḍuomolhoghi ph’ayira atue ni aḍigh esi odẹgh ophogh mem dị aḍiitughiạn ayira egbatanhaạn r’elọ aZihova. Yira kotue ni okparamhị oḍuomolhoghi phọ ayira esi osụ-olhoghi phọ aZihova mem dị yira ogbiran olhẹm m’odị.—Pr 30:24, 25; Rom 1:20.

IPOGH VIDIO PHỌ ULHẸM NI ḌUGHỤM? IIMARẠ RETELHE GHAN IKA KỤ REE/KULHUGHAN GHAN BỌ? KỤ EPHANYANHAẠN SIPURU PHỌ EDAPHẠN BỌ SIẸN:

• Ibadị iimarạ reḍighi ghan eeghe torobọ aḍio?

• Iimarạ phọ reḍighi ghan ika kụ ree/kulhughan ghan bọ?

• Awe kotuughạ eeghe esi ipẹ iimarạ retelhe ghan bọ?

IPOGH VIDIO PHỌ ULHẸM NI ḌUGHỤM? ETEN PHỌ EPẸ BUMBLEBEE REPEẸPH GHAN BỌ, KỤ EPHANYANHAẠN SIPURU PHỌ EDAPHẠN BỌ SIẸN:

• Eeghe ipaanhaạn kụ edị awe romoọgh ghan mem dị rokiilhom obạm oghuugh anyụ?

• Ika kụ idị abumblebee repeẹph ghan dị ookugh raa/ḅaghamhị ghan?

• Ika kụ idị omhạr awe kotue omooghọm suọ esi osụ-olhoghi abumblebee phọ?

Eeghe eḍeenhaan osụ-olhoghi phọ aZihova kụ edị nạ amhiịn esi olhẹm, epẹ nạ odi bọ?