Iḍoọgh—Iiku Ekpom Anyinha Engọ Burudẹ r’Aburunhiin Anyinha

Eeghe kụ iḍighi kụ nạ kaḅenhị ghan bọ odẹ r’onhiin anạ ipẹ edi bọ ekpom anạ? (Pr 23:26) Loor esi dị aZihova angọ bidị oḍighi ophogh kụ oḅilhẹ ooḅakị anạ. (Ps 127:3, 4) Kụ kekparanhaạn ni bidị olhoghonhaạn anạ ḍighaạgh mem dị nạ u/ḅenhị bidị ipẹ reeḅaghamhị bọ nyinhạ. Kekpạr kẹn ni kụ nạ atue amooghọm suọ olhegheri iyaạr phọ abidị. Kuolọ ebeeph ni ḍughụm omhoọgh araraạr ibooghiạn? Koo/mo amem, kuolọ ki/ḍighi ilọ ookelheghiom odẹ r’onhiin anạ.—Pr 3:32.

Nạ kaḅaanhaạn ghan ika odẹ r’onhiin anạ? Kparaghạ owạ amem dị nạ r’abidị kotue okaạph. Eḍighi maạr dị i/dugh, pọ nạ atue ni agẹ ḍinyạ angọ onyọ abidị. Kuolọ kokaạph ika eḍighi maạr dị bidị rowạ oghaaphạn anạ iyaạr dị nạ u/wạ oghaạph? Ka/bula mọ bidị rowạ olhoghonhaạn anạ ḍighaạgh. Ka/miịn odẹ r’onhiin anạ idiphọ epomhoghiạn, kuolọ idiphọ arighirị anạ. Ikuph phọ nạ kalọgh bọ oḅaanhaạn odẹ r’onhiin phọ anạ kengọ ni nyinhạ suọ k’agee-pọ!—Pr 4:10-12.

IPOGH VIDIO PHỌ ADỌL IḌOỌGH AMHỊ—MỊ KAḄAANHAẠN IKA ODẸ R’ONHIIN AMHỊ? KỤ EPHANYANHAẠN SIPURU PHỌ EDAPHẠN BỌ SIẸN:

• 

  Eeghe iyaạr kụ edị Esther r’aPartik owaaghị omhiịn ilọ aloor abidị?

• 

  Nạ atuughạ eeghe esi eḍeenhaan phọ aZizọs?

• 

  Ika kụ idị odẹ r’onhiin anạ moḍeenhaan mọ bidị omoọgh ni ogbolhomaam anạ?

• 

  Ighẹn asinhị-iilhogh aBaibul kụ ketue elhoghonhaạn nyinhạ ḍighaạgh oḅaanhaạn odẹ r’onhiin anạ?