Nạ Katue Ni Aḍighi Aani Idị Eghunotu Phọ Anyinha Kemoọgh Ibo

AZihova rawạ ghan mọ arughunotu omhoọgh oḅaạl olhoghi. (Ps 127:3-5; Ec 9:9; 11:9) Toroboiperolbọ, iyaạr ketue ni esighẹ ibo phọ ayira, ketue ni eḍighi ooḅaghamhiạn aloor phọ aḅirinhi phọ r’akọm ghan bọ ḅilhẹ r’opiomạn oniin siphẹ eghunotu phọ. Eeghe iyaạr kụ edị torobọ oye kaḍighi omhiịn mọ ibo etọl li?

Olom rakuenhi ghan anhịr odị. (1Pit 3:7) Odị ralọgh ghan ni mem karọl r’anhịr phọ odị. Odị ra/gon ghan mọ anhịr phọ odị aḍighi idị epel loor, kụ r’asereghiạn ghan kẹn ipẹ anhịr phọ raḍighinhaan bọ nyodị r’eghunotu phọ. (Kọl 3:15) Odị raḍighi ghan ni kaḍeenhaan ephomhoghiạn phọ odị kaḅilhẹ asẹph anhịr phọ. —Pr 31:28, 31.

Anhịr rawạ ghan ni reten olhoghonhaạn aḍighaạgh olom mọ odị. (Pr 31:12) Odị r’aler ghan loor kangọ kaḅilhẹ adaphạn osopha olom mọ odị. (Kọl 3:18) Anhịr phọ raḅaanhaạn ghan olom mọ odị emạ eten kaḅilhẹ aghaạph imạ ilọ odị.—Pr 31:26.

Aburudẹ r’aburunhiin romiteom ghan mem korọl r’ibạm anmụny phọ abidị. (De 6:6, 7) Bidị roḅenhị ghan kẹn ni ibạm anmụny phọ abidị mọ bunọ opomhoghiạn ni bidị. (Mat 3:17) Mem dị rowạ oliọm anmụny phọ, bidị roḍighinhom ghan ephomhoghiạn r’orọph omhiịn.—Efẹ 6:4.

Ibạm anmụny rolhọgh ghan eegu koḅilhẹ onhaghanhạn odẹ r’onhiin abidị. (Pr 23:22) Bidị r’oḅenhị ghan ni odẹ r’onhiin abidị olhoghoma r’iitughiạn dị bidị omhoọgh. Bidị r’osighẹ ghan ni ilhioghọm odẹ r’onhiin phọ abidị koḅilhẹ oghuenhi bidị.—Pr 19:20.

IPOGH VIDIO PHỌ MOỌGH IBO SIPHẸ EGHUNOTU PHỌ ANẠ, KỤ EPHAGHARANHAẠN ḌIPURU PHỌ EDAPHẠN BỌ SIẸN:

Torobọ onyọ eghunotu phọ aḍighi eeghe omiteom ibo siphẹ eghunotu phọ?