Gonha Loor Esi Abuphẹ Momheel Bọ Oḍuạ Siẹn Igey Phọ

Egbạ gbạ amem aSetan r’abuphẹ rodạph bọ nyodị rosighẹ ghan ni iyạl ikpo igey koḅuaam okpẹ odugheom omheeraam mọ ayira. (2Kọr 11:3) Esi omaạm, abuọ Assyria phọ ughaạph ghan ni iinyenhụm igey ḅilhẹ r’okpẹ dị aganhanha odugheom awe phọ aZihova. (2Ch 32:​10-15) Iniin phọ ikeḍi phọ kụ edị buphẹ momheel bọ oḍuạ siẹn igey phọ roḍighinhom ghan ḍio arodon. Yira komegheron ghan ika kụ okị esi itughemhị phọ abidị? Gunhọm bidị, bidị oḍighi ikạ! Ka/bạl raraạr phọ bidị rogẹ ghan bọ, ka/panyanhaạn, obobọ ka/sighẹ akiọm bunhọn awe. Gboogborionhom ghan alhọgh elhegh raraạr dị kelọgh iikia ekpom anạ ilọ aZihova r’ookpomhoghan phọ odị​—kụ aghel!​—Jud 3, 4.

IPOGH VIDIO PHỌ ‘MERENYẠN ABEANHAAN OMHEERAAM MỌ’!​—OOKPERA PHỌ, KỤ EPHANYANHAẠN SIPURU PHỌ EDAPHẠN BỌ SIẸN:

• Uḍighi ika kụ ewạ bọ ogonha aloor eru maạr dị yira roḍighinhom ghan osoph intanẹt phọ?

  Your answer

• Yira kodaphạn aani ika oromha phọ odi bọ Rom 16:17?

  Your answer