Ḍeenhaan Ghan Akpọ Oḅio Mem Dị Awe Rosophoghom Nyinhạ

Bạl Jeremiah 38:1-13 atuughạ ilọ akpọ oḅio phọ oyil phọ Jerimaya r’Ebed-melech oḍeenhaan bọ.

Tuughạ abughẹ riisi aBaibul phọ ekoom bọ esi phọ. AJerimaya aḍeenhaan ika akpọ oḅio mem mọ odị ragbeelom bọ dom mọ aZihova? (Jer. 27:12-14; 28:15-17; 37:6-10) Kụ awe phọ umhegheron ika?—Jer. 37:15, 16.

Tuughạ abughẹ ilọ esi r’esi raraạr phọ ekạr bọ emite. Ighẹn isophoghom kụ edị aJerimaya asoman? (jr 26-27 ¶20-22) Waaghị alhegheri idị asighuḍia iḍiodi phọ erọl ghan mem mọ rogẹ bọ Baibul phọ. (it-1 471) AJerimaya alhoghoma ika mem mọ osumeeny bọ nyodị ghuḍia phọ oposọ phọ odi bọ? Eeghe araraạr kụ mitue ekọm oghiilhaan engọ Ebed-melech?—w12 5/1 31 ¶2-3.

Lọgh elhegh iyaạr ituughạ phọ kụ asighẹ aḍighinhom. Puruan loor mọ:

• ‘Iphẹn edi bọ siẹn esi aBaibul phọ ephẹn phọ itughemhị imhị eeghe ilọ eten phọ aZihova rakoph ghan bọ rebenhẹ phọ odị oḅạr bọ nyodị?’ (Ps. 97:10; Jer. 39:15-18)

• ‘Ighẹn asidọl kụ edị kewạ mọ mị uḍeenhaan akpọ oḅio?’

• ‘Ika kụ idị mị katue aḍeenhaan akpọ oḅio oḍighi ipẹ enhighẹ bọ mem dị awe rusophoghom imhị?’ (w11 3/1 30)a