Ḅenhị Aani Ghan Bunhọn Ipẹ Nạ Atuughạ Bọ

Ituughạ aBaibul riimhanhamhi ghan ni iyira, kuolọ riimhanhamhi ghan iyira kepu mem dị yira oḅenhị aani bunhọn imạ araraạr phọ yira otuughạ bọ. Proverbs 11:25 eḅẹm mọ: “Oye lọ raamanamhi ghan bunhọn kaamanamhian aani ni loor odị.”

Mem dị yira oḅenhị aani bunhọn raraạr phọ yira otuughạ bọ, kilhoghonhaạn iyira ḍighaạgh ootughiạn r’okuamhị onhaghanhạn raraạr phọ yira otuughạ bọ. Kụ loor iduọn abunhọn komooghọm aani bọ suọ raraạr phọ yira otuughạ bọ, olhoghi ayira raḅaạl ghan agey mem dị yira oḅenhị aani bidị.—Iiḍ. 20:35.

Ḍighi iduọn: Wiki phọ opọ ratu bọ, wạ eepoogh aḅenhị aani oye emạ iyaạr dị nạ atuughạ siphẹ ituughạ aBaibul phọ anạ. Nạ atue ni akaạph aḅenhị oye eghunotu anyinha, oye siphẹ ookpomhoghan phọ, olọ askul anyinha, oye dị raḍighi ghan oḍighi r’anạ, obobọ oye dị nạ azuan epẹ erugh phọ. Mem dị nạ rakaạph kaḅenhị oye phọ, kaạph ipẹ nạ anhaghanhạn bọ, eten dị eegholhaan eḅilhẹ edugh.

Lọgh elhegh: Ephigh phọ nạ atụ bọ raḅenhị bunhọn imạ araraạr phọ nạ atuughạ bọ pọ okparamhị aani abidị, ki/lọ oḍeenhaan idị nạ alhegheri iyaạr.—1 Kọr. 8:1.