Kpạramhi Oḍuom Olhoghi Phọ Ạna Esi Ịikpo Ạpelieeny Phọ A Jehova

Bạl Numbers 13:25–14:4 kụ ạmhiin ịpe awe phọ Izrẹl oḍeenhaan bọ mọ bịdi ụ́moogh oḍuom olhoghi esi a Jehova.

Tụugha ạbughe riisi ạ Bạịbul phọ ekoom bọ esi phọ. Awe phọ Izrẹl mụtuan eeghe kụ oḍuom olhoghi mọ a Jehova ạmoogh ni ịikpo ọphel ạbidi ịduon bịdi rọḍua bọ Ijipt? (Ps. 78:12-16, 43-53) Eeghe kụ iḍighi kụ bịdi oroph bọ oḍuom olhoghi phọ bịdi ọmhoogh bọ esi a Jehova? (Deut. 1:26-28) Ika kụ ịdi a Josụạ rạ Kẹlẹb oḍeenhaan mọ bịdi oḍuom ni olhoghi a Jehova?—Num. 14:6-9.

Tụugha ạbughe ịlo esi r’ịyaar phọ ẹkar bọ emite. Awe phọ Izrẹl muḍighi eeghe orue ọbughe oḍuom olhoghi phọ bịdi ọmhoogh bọ esi a Jehova? (Ps. 9:10; 22:4; 78:11) Eeghe ạmuḅoph kụ ọdi igbo oḍuom olhoghi a Jehova r’ọlhogh ọdi eegu?—Num. 14:11.

Lọgh elhegh rạraar ịtuugha phọ. Puruan loor mọ:

• ‘Eeghe ạsidol kụ ketue ẹdegh oḍuom olhoghi phọ ạmhi esi a Jehova epogh?’

• ‘Ika kụ ịdi mị kạkparamhi oḍuom olhoghi phọ mị ạmhoogh bọ esi a Jehova nyịidipho r’ẹpe ghisigh?’

• ‘Eeghe oḍuom olhoghi kụ ịdi mị ạmhoogh ịduon igbogh ịiḅaghamhi phọ rẹteeny bọ?’—Luk 21:25-28.