EKPỊGH 4

Bidị Unaghanạn Setan —Kụ Eeghe Kụ Imite?

Adạm r’Iv u/naghanạn Enaạn, kụ iḍighi kụ umuughu ni. Genesis 3:6, 23

Iv alhe eemhumha phọ ogbiemhi bọ bidị, kụ olom m’odị roru kụ odị angọ aani

Iv anaghanạn ekarạph-iyaạr phọ kụ alhe emuma phọ. Onyebeel roten, kụ odị angọ aani eemuma phọ Adạm, kụ odị alhe.

Uphorogh Adạm r’Iv omiteom siphẹ amarugh aParadaịs phọ

Ipẹ bidị oḍighi bọ eeph ni—iḍighi ikarạph. Enaạn aḍighi idị bidị koḅuạ siphẹ amarugh aParadaịs phọ abidị.

Adọl phọ ikparanaạn ni bidị r’anmụny phọ abidị. Bidị ukpooghị ni bịn omuughu. Bidị u/kị epẹ aḅirini aruwaloor phọ; bidị u/tọl mun.

Iḍim mọ i/moọgh ghuḍum idiphọ iisaạr phọ i/moọgh bọ. Genesis 3:19

Aweye arikpisi kirokiro emhiigh k’amem mọ Adạm kụ eteẹny ḍio arodon

Yira romugh ghan loor esi dị oomo ayira umite esi Adạm r’Iv. Iḍim mọ re/tue ghan kemiịn eten obobọ kenaghạn iyaạr obobọ keḍighi iyaạr.—Ecclesiastes 9:5, 10.

Eghunotu dị romoghi obạm onyanhị abidị dị mamhugh

AJihova o/moọgh iitughiạn mọ awe komugh ghan. Moọny amem ghisigh, odị kaḅerion ni buphẹ ronaanị bọ esi aḍuugh. Eḍighi maạr dị abidị onaghanạn ni nyoḍị, pọ bidị kotọl li k’agee-pọ.