Enhaạn Alhẹm Oḅẹl Olhephiri Oọny Phọ r’Anhịr Ephoph Phọ

AJehova aakolhobian ni imạ esi dị oghol mọ Iden. Asifalhawạy, r’ireeny, r’inhạm, kụ irọl esi phọ. Kụ Enhaạn asighẹ oposọ alhemhọm oḅẹl olhephiri oọny dị oghol mọ Adạm kụ aphulha ookuugh alhọgh ropogh izon odị. Eeghe kụ imitenhaan oye phọ mem mọ Enhaan aphulha bọ ookuugh phọ alhọgh ropogh izon odị? Adạm amhiigh ni ophooghu! AJehova aḅenhị Adạm ophogh oomo araraạr phọ edi bọ siphẹ oghoony phọ, r’oḅilhẹ oogholhogh inhạm mọ siḍien.

AJehova aḅilhẹ ni aḅenhị Adạm eniin iyaạr dị odị ka/ḍighi. Odị amạ oniin oreeny aḍeenhaan Adạm, kụ aḅenhị mọ: ‘Nạ katue ni ale iimhumha ipheriphọ ireeny phọ, kuolọ ka/le eemhumha oreeny phọ opọ phọ. Eḍighi maạr dị nạ alhe eemhumha oreeny phọ, nạ kamugh ni.’

Iduọn amem rekị bọ aJehova aḅẹm mọ: ‘Mị kalẹm oye dị kaloghonhaạn ghan Adạm ḍighaạgh.’ Enhaạn aḍighi ni idị Adạm anaanhị tugbogh aralhạ, kụ mem mọ Adạm ranaanhị bọ Enhaạn asighẹ ni oḅararạ siphẹ ikpurugaạny phọ odị alhemhọm anhịr angọ Adạm. Adạm aghol anhịr phọ odị mọ Iv. Adạm r’Iv kụ uḍighi oḅẹl olom r’anhịr dị orọl siẹn ade phọ. Olhoghi Adạm arọl ika mem mọ ongọ bọ nyodị anhịr phọ odị? Olhoghi Adạm akạr kụ aḅaạl kụ odị aḅẹm mọ: ‘Ophọn phọ oye dị aJehova asighẹ oḅararạ amhị kụ alhemhọm! Nyiidiphọ, mị mamhiịn oye dị arọl iduọn amhị.’

AJehova aḅenhị ni Adạm r’Iv mọ omhạr omuzeḍi siẹn ade phọ. Odị awạ dị bidị koḍighi idị oomo ade phọ keḍighi paradaịs obobọ imạ esi, idiphọ oghoony phọ Iden. Kuolọ ipẹ aJehova awạ bọ kụ i/mite. Eeghe kụ iḍighi? Yira kolegheri ni iyaạr phọ eḍighi bọ siphẹ esi ituughạ phọ etum bọ siẹn.