Oghaạph Ookaragh Ekpịgh Phọ 1

Aḍiḅẹl aḍinyạ aBaibul phọ emiighom oghaạph ilọ imạ araraạr phọ Enhaạn alhẹm bọ epẹ k’akẹ phọ r’isiẹn ade phọ. Burudẹ r’aburunhiin, iloghonhaạn ḍighaạgh obumoọny phọ anyinha omhiịn enighẹ akirokirọ araraạr phọ aJehova alhẹm bọ. Iḍeenhaan nyodị mọ eten phọ Enhaạn ilhẹm bọ iyira egbatanhaạn ni r’eten phọ odị alhẹm bọ inhạm. Enhaạn ulhẹm iyira eten dị yira kotue ni oḅạ, ootughiạn iyaạr, omoọr suọr, kụ oḅilhẹ ooḅereghị. Iḍighi idị obumoọny phọ anyinha kasereghiạn iikpọ phọ r’osụ olhoghi phọ aJehova, ḅilhẹ r’eten phọ odị aphomhoghiạn bọ torobọ iyaạr dị odị alhẹm.