Ọghaaph Ookaragh Ẹkpigh Phọ 6

Mem mọ awe phọ Izrẹl osi bọ De Oguan phọ, ogbogo ịiḅereghi phọ kụ aḍighi esi dị bịdi ọghi ghan ọoḅereghi a Jehova. Ạbupinyon rịkia phọ ụtughemhi ghan Olhogh phọ kụ abuugboom ịiruen phọ ọoḅaki ghan eelhe phọ. Ẹkpigh phọ ẹphen phọ eḍeenhaan mọ osopha ayira ratir aani ghan ni bụnhon. Tọrobo ọnyo Izrẹl alhegheri ni mọ ọdi ạmoogh ni ịyaar oḍighinhaan a Jehova r’ạbunhon awe. Ariisi ịtuugha phọ edi bọ ẹkpigh phọ ẹphen phọ eḍeenhaan ịdi ạraaghara a Debora, Nạomi, Jọsụạ, Hạnạ, ọnyanhi phọ ạ Jẹftạ rạ Sạmụẹl etir bụnhon awe sịphe ẹmha phọ ạbidi. Ẹḅilhe kẹn ni eḍeenhaan ịdi awe dị úḍighi bụo Izrẹl ịdipho a Rehạb, Rut, Jeẹl, r’awe phọ a Gibiọn oḍighan we phọ Izrẹl loor esi dị bịdi ulhegheri ni mọ Ẹnhaan odi r’ạbuo Izrẹl.