Ooḅula Ekpịgh Phọ 1

Eeghe kụ iḅeraạn nyinhạ ilọ aruguanhaan aghisigh phọ edi bọ siphẹ aBaibul phọ?

Nạ utụ eeghe kụ amheeraam bọ mọ aBaibul phọ Ekpo-onhụ Enhaạn ni?

Eeghe kụ iḍighi kụ emạn bọ ni maạr ­oḍighinhom aḍien phọ aZihova?

ABaibul phọ aḅẹm mọ Enhaạn “kụ azin aghuḍum.” (Psalm 36:9) Nạ ameeraam ni ipẹ phọ?

Ibạl Proverbs 3:​32.

• Eeghe kụ iḍighi kụ aZihova aḍighi bọ ­oyaghirị dị apelheghiom dị yira komoọgh?

• AZihova rawạ ghan eeghe ḍighaạgh arighirị odị? Kụ nạ ragbi mọ yira kotue ni oḍighi oomo ipẹ odị rawạ bọ ḍughụm?

  (Miịn Esi Ituughạ Phọ 07 ḅilhẹ 08.)

Ibạl Psalm 62:8.

• Ighẹn kụ iniin araraạr dị nạ maghol ghan aaḅereghị aZihova? Ighẹn araraạr kụ edị nạ katue aḅilhẹ akol aaḅereghị?

• AZihova ranaghạn ghan ni iiḅereghị ḍughụm?

  (Miịn Esi Ituughạ Phọ 09.)

Ibạl Hibru 10:​24, 25.

• Ighẹn areten kụ edị ituughạ Abugbaanhaạn aZihova kengọ nyinhạ suọ?

• Nạ ragbi mọ asuọ phọ nạ kamoọgh bọ, akasiạn ni otuạn olhọgh ikuph oghị ghan ituughạ phọ ḍughụm?

  (Miịn Esi Ituughạ Phọ 10.)

Uḍighi ika kụ enhighẹ bọ ogbor ghan aạl aBaibul phọ? Nạ adẹ ika ibạl aBaibul atorobọ aḍio phọ anạ?

Eeghe iyaạr kụ edị nạ maghelhọm egbi k’amem mọ nạ amhiigh bọ otuughạ aBaibul phọ?

Nạ amhiigh bọ otuughạ aBaibul phọ, ighẹn ipaanhaạn kụ edị nạ masoman ghan? Eeghe iyaạr kụ kelhoghonhaạn nyinhạ ḍighaạgh oghiọm aghisigh ituughạ phọ?