Eḍạ Ḍiḅeraạn Awe

Idị AZizọs Aḍighi

AVIDIO: AZizọs r’Anhịr Phọ Aghị Bọ Okpạ Amuụm Mọ

1. Pogh VIDIO phọ, obobọ bạl Jọn 4:6-9. Kụ aaḅeghiọn sipuru phọ edaphạn bọ siẹn:

1. (1) AZizọs amhiịn mọ anhịr phọ raḍighi ghan eeghe kụ agbi bọ omhiigh oghaạph phọ?

2. (2) Uḍighi ika kụ iduọn aZizọs amhiighom bọ oghaạph phọ esi oḅẹm mọ, “Ungaanị muụm mị upughọl,” eḍighi bọ emạ eten omhiighom oghaạph?

Ipẹ AZizọs Aḍighi Bọ Itughemhị Iyira Eeghe?

2. Ketue ni edugh oghaaphạn oye eḍighi maạr dị yira omhiighom emhuoghaạph dị eḅeraạn oye phọ.

Tuughaạny Zizọs

3. Kookolhobian onme emhuoghaạph phọ. Mem dị nạ rakaaphạn oye, ka/ḅẹm mọ nạ amoọgh oghaạph emhuoghaạph phọ nạ aakolhobian bọ bịn. Miighom oghaạph phọ iyaạr dị edi ilhoghi awe phọ. Puruan loor mọ:

1. (1) ‘Eeghe araraạr kụ edị rokaạph siphẹ aredio phọ?’

2. (2) ‘Eeghe araraạr kụ edị amatuman amhị, abuọ oḍighi ayoor ḅilhẹ r’abuọ ekụ ayoor rokaạph?’

4. Kiririom ghan aphogh raraạr. Puruan loor mọ:

1. (1) ‘Oye phọ raḍighi ghan eeghe? Eeghe araraạr kụ ketue etọl olhoghi odị?’

2. (2) ‘Iinmenhan phọ odị, ipẹ odị odi bọ obobọ otu phọ odị iḅenhị imhị eeghe ilọ omheeraam mọ odị obobọ eḍighinhom iyaạr ekpisi phọ abidị?’

3. (3) ‘Amem mọ amuẹn phọ eḍighi ni mugey amem oghaaphạn oye phọ ḍughụm?’

5. Ler rurụ.

1. (1) Ka/kaạph iboom araraạr.

2. (2) Ḅenhị oye phọ aghaạph aani ḍiitughiạn odị. Puru sipuru mem dị ekpeanhaạn.