Ephomhoghiạn Kụ Elhegh Ogey Onyọ AKristẹn​—Ḅaạl Ologhi Mem lọ Aḍighaạgh Igey Eḅetenu

IYAẠR PHỌ EMHẠN BỌ NI MAẠR: Esi otuughaạny aani aJizọs, pọ yira kotọl gạ igey phọ idị egbolhomaam rigbiom mọ Enaạn. (Jọn 18:37) Yira koḅaạl ghan olhoghi mem lọ aḍighaạgh igey kụ eḅetenu, okaạph ghan igey phọ, ooḅeghiọn ghan torobọ iyaạr lọ eḍighi egey, etigheri iduọn yira odi bọ aḅirinhi dị okpẹ r’ekeeny eḍighinhom iyaạr emuza.​—1Kọr 13:6; Fil 4:8.

IPẸ KOḌIGHI BỌ:

• Sopha oghel ikalhaghiạn.​—1Tẹs 4:11

• Ka/bo ghan mem lọ iiḅaghamhị emitenhaan oye

• Moọgh ḍiḅeraạn araraạr lọ enhighẹ, eḅilhẹ eḍighi ilọ okparamhị oye

IPOGH VIDIO PHỌ “IMOỌGH EPHOMHOGHIẠN SIPHẸ IGBO PHỌ ANYINA”​—IBO, KE/SI EKEENY EḌIGHINOM IYAẠR KUOLỌ ESI IGEY PHỌ, KỤ EPHANYANHAẠN SIPURU PHỌ EDAPHẠN BỌ SIẸN:

• Eghẹn odọ eten kụ edị aḌisẹph ‘abo mem lọ oye apiomạn’?

• Ika kụ idị Alis anme oghaạph phọ aḌisẹph r’odị bịn anhighemhị?

• Ighẹn imạ araraạr kụ inhighẹ oghaạph ghan?