“Ephomhoghiạn . . . Re/bo Ghan Mem Lọ Oye Apiomạn”

Abugey aKristẹn rokparaghạ ghan osighẹ ephomhoghiạn kụ oḍighinhom atorobọ iyaạr. Ephomhoghiạn “re/bo ghan mem lọ oye apiomạn.” (1Kọr 13:4, 6) Esi iduọn phọ, yira ro/pogh ghan sifim dị reḍeenhaan ghan ipesi r’iigamhanhiạn. Yira ro/bo ghan kẹn mem dị ikarạph araraạr emitenhaan bunhọn, ghalhamọ r’awe dị mupiomạn ghan ni iyira. —Pr 17:5.

IPOGH VIDIO PHỌ LEGHERI IPẸ EPHOMHOGHIẠN REZỌ GHAN BỌ—RE/BO GHAN MEM LỌ OYE APIOMẠN, KỤ EPHANYANHAẠN SIPURU PHỌ EDAPHẠN BỌ SIẸN:

• ADevid aḍighi eeghe mem mọ anhaghạn bọ mọ aSọl r’aJonathan momhugh?

• Aḍighẹn aḍuọr emoghi kụ edị aDevid ageanhaạn Sọl r’aJonathan?

• Eeghe kụ iḍighi kụ aDevid o/bo bọ mem mọ aSọl amhugh bọ?