Orophomhi Aḍighalhanyạ Phọ Ayira Epẹ Erugh Phọ—Odaphạn Ghan Asidọl Phọ

IYAẠR PHỌ EMHẠN BỌ NI MAẠR: Abuẹn osagharạn bọ uwaloor phọ r’iphediphọ iyool phọ romạgh ni we kirokirọ oru ‘ophughọl muụm aghuḍum oopho.’ (Ogan 22:17) Muụm mọ amuẹn omaaniọm ni, kụ remạ ghan oomo iikolobian phọ aZihova amiteom bọ otagharanhạm awe dị ronaghanạn nyodị esi ikarạph r’aḍuugh. Orue ologhonaạn aḍighaạgh we kirokirọ dị iḍighinom araraạr r’aremeeraam mọ egbaranaạn, pọ ewạ mọ yira oghaạph “ooḅi oghaạph k’agee-pọ phọ” eten dị keḍạ ḍiḅeraạn atorobọ onyọ abidị.—Ogan 14:6.

IPẸ KOḌIGHI BỌ:

• Saḅạr emhuoghaạph r’esi aBaibul dị ketir rokpom awe epẹ ekool phọ anyina. Nạ atue ni asighẹ eniin edọ eḍeenaan ilọ oghaaph phọ aḍighinom obobọ torobọ eten dị nạ m’aḍighinom ghan amhoọgh ekol. Ighẹn arumhuoghaạph r’ariisi aBaibul kụ reḅeraạn ghan we phọ? Iyaạr emite ni dị awe rokaaphọgh iboom? Eeghe iyaạr kụ keḍạ ekpom olhephiri oọny obobọ anhịr-ephoph?

• Pạ araghaạph phọ anạ, daphạn ni eḍighinom iyaạr r’eten phọ epẹ romạgh ghan bọ oye epẹ ekool phọ ayina.—2Kọr 6:3, 4

• Legheri rinyạ r’asividio dị edi Igbe Araraạr Osighẹ Otughemhiọm mọ ayira, pidị nạ aḍeenaan oye lọ amoọgh ḍiḅeraạn

• Sighẹ aloghoḍị fon anạ rinyạ r’asividio dị eḍighi onhụ awe phọ odi bọ ekool phọ anyina

• Emhuoghaạph ph’anạ edaphạn dọl uw-otu phọ. (1Kọr 9:19-23) Esi omaạm, nạ kamiighom ika eḍighi maạr lọ nạ anaghạn mọ purukụ oye amughanaan uw-otu phọ?

IPOGH VIDIO PHỌ, KỤ EPHANYANAẠN SIPURU PHỌ EDAPHẠN BỌ SIẸN:

• Eghẹn emhuoghaạph kụ edị okaaphọm mọ amiighom bọ r’uw-otu phọ?

• Adọl uw-otu phọ etọl ika?

• Eghẹn esi aBaibul kụ ikạr enighẹ oḍighinom isiẹn phọ, kụ eeghe kụ iḍighi?

• Nạ ralegheri ghan ika eten oghaạph dị k’eḍạ ḍiḅeraạn awe ekool phọ anyina?