Ḍighinhom Raraạr Dị Purukụ Emiteghu Epẹ Erugh Phọ

AZizọs asighẹ ghan ni raraạr dị purukụ emite aḍighinhom otughemhiọm awe raraạr epẹ erugh phọ. (Luk 13:1-5) Nạ katue ni asighẹ raraạr dị purukụ emite aḍaạm aani ḍiḅeraạn awe onhaghạn adom Omhạr phọ. Nạ roghaạph oghol ḍiikparạ adọl dị edi, ekperenhom iyaạr dị emite, iiḅaghamhị, ipughọl asirooghọ obobọ enhọn iyaạr, kụ apuru ḍipuru dị k’eesạ epul iitughiạn odị. Nạ atue ni apuru mọ: “Nạ ragbi mọ amem ketọl li dị . . . kesi eekunha?” obobọ “Nạ ragbi mọ eeghe kụ kesiemhi eekunha iiḅaghamhị . . . ?” Kụ aḍeenhaan esi aBaibul dị eghaạph ilọ iyaạr phọ. Eḍighi maạr dị oye phọ aḍeenhaan ḍiḅeraạn, pọ ḍeenhaan vidio obobọ ḍinyạ dị edi siphẹ Igbe Araraạr Otughemhiọm mọ ayira. Iduọn yira rokparaghạ bọ oteẹny arokpom awe epẹ ekool arukumuan phọ ayira, eḍighi idị yira ‘kokol emhụ ooḅi oghaạph phọ kụ oḍighi ghan oomo phọ iphẹn phọ.’—1Kọr 9:22, 23.

Ighẹn arumhuoghaạph kụ keḍạ ḍiḅeraạn awe ekool arukumuan phọ anyinha?