Ilọ Oḍighinhom Areḍeenhaan Ilọ Oghaạph Phọ

Emhiigh January 2018, areḍeenhaan ilọ oghaạph phọ remite ghan ni siphẹ okpogho Aḍinyạ Ituughạ—Adọl Aghuḍum Onyọ Akristẹn r’Oghaạph Ilọ Omhạr Phọ. Kụ koḍighinhom ika?

Mem Lọ Nạ Amhoọgh Oḍighi Oḍeenhaan: Nạ katue ni aḍighinhom ḍipuru phọ, esi aBaibul phọ, r’aḍipuru phọ koḅilhẹ bọ ooḅeghiọn. Toroboiperolbọ, r/oḅẹm ghan mọ tuụgh ikpo-onhụ phọ oḅạ bọ siphẹ avidio eḍeenhaan ilọ oghaạph phọ kụ aḅaạm. Nạ katue ni anme dọl phọ, emhiighom oghaạph phọ, ḅilhẹ akaạph enhọn eten dị kemiteom ni iyaạr phọ rowạ bọ. Nạ katue ni angọ ḍinyạ dị edi pạ Igbe Itughemhị phọ ayira, ghalhamọ u/kaạph ni mọ ḍighinhom.

Epẹ Erugh phọ: Omakạ reḍeenhaan ilọ oghaạph phọ eten dị kilhoghonhaạn iyira ḍighaạgh epẹ erugh phọ. Eḍighi maạr dị oye aḍeenhaan ḍiḅeeraạn, kụ rawạ olhegheri obughẹ, nạ atue ni akiọm ghisigh oghaạph phọ, eeni esi oḍighinhom oḅilhẹ oḅula phọ. Nạ atue ni aaḅenhion eḍeenhaan ilọ oghaạph phọ, obobọ aḍighinhom enhọn eten. Eḍighi ni idị egbaany emhuoghaạph obobọ enhọn esi aBaibul, kụ kenighẹ mem mọ amuphẹ phọ? Araraạr dị purukụ emite epẹ ekool phọ anyinha reḍạ ghan ni ḍiḅeeraạn awe phọ dị nạ kasighẹ amiighom? Etigheri eten phọ epẹ nạ kaḍighinhom bọ reḍeenhaan ilọ oghaạph phọ, aḍiigbu anạ eḍighi ‘oghol emhụ ooḅi oghaạph phọ oḍighi oomo araraạr phọ iphẹn obọ nạ amhoọgh buḅaramạ dị kokaạph aani ghan.’—1Kọr 9:22, 23.