Ilọ Oḍighinhom Areḍeenhaan Ilọ Oghaạph Phọ

Rolọgh ghan ni iboom inyaạm omiteom areḍeenhaan ilọ oghaạph phọ, kụ ibadị abukaaphọm omiịn mọ remoọgh ni ekol epẹ arokool arukumuan phọ abidị. Toroboiperolbọ, eḍighi bọ idị asidọl awe siẹn aḅirinhi phọ egbaranhaạn bọ, abukaaphọm omoọgh ni eereẹgh osighẹ enhọn emhuoghaạph dị keḍạ ḍiḅeraạn awe ekool phọ kụ oḍighinhom epẹ erugh phọ. Ii, enighẹ ni dị torobọ oye kadaphạn iiḅakiọm lọ omiteom mem dị rogbeelhom oghaạph phọ eten dị egbatanhaạn. Aḍiigbu ayira pọ omhunhenhi itọ phọ aZizọs ilọ oghaạph iiḅi iinhaghạn Omhạr phọ.—Mat 24:14.

Mem oḍighi oḍeenhaan, abukaaphọm oḍighinhom ghan ni emhuoghaạph eḍeenhaan ilọ oghaạph phọ edi bọ siphẹ Aḍinyạ Adọl Aghuḍum r’Oghaạph Ilọ Omhạr Phọ. Toroboiperolbọ, epel lọ oḅẹm mọ k/unme, abukaaphọm kotue ni onme ḍipuru phọ, esi aBaibul phọ, ḍipuru oḅilhẹ ooḅeghiọn phọ obobọ eten oghaạph phọ dị kemoọgh ni ekol epẹ erugh phọ. Iphẹn phọ eeḅenhion iiḅakiọm mọ emite bọ ḍinyạ ituughạ unwanyụ aJune 2020, opoḍi phọ 8.