Nạ Katue Ni Amiteom Mem R’inyaạm Anạ?

Idiphọ Aizaya amhiịn bọ, ookpomhoghan phọ aZihova rapogh ghan bịn obụgh obụgh siẹn ade phọ. (Isa 54:2) Iphẹn phọ remoghi ni dị kodoghoḍi imhoom asiKindọm Họl, Asembili Họl, oḅilhẹ olọgh kẹn inhọn aruutu epẹ olạ agadạ phọ. Mem dị olhọgh omadạn, rewạ ghan ni mọ omhaạr ophạm riisi phọ iphẹn phọ, kụ iniin roselhemhi ghan ni. Ighẹn aroopoogh kụ edị yira omhoọgh osighẹ amem r’inyaạm mọ ayira ongọ aZihova?

• Yira kotue ni oḍighan ogbuurogh aani Kindọm Họl phọ mem dị esi ekool phọ ayira ogbuurogh

• Yira kotue ni omiteom loor pidị utughemhị iyira ilọ omhaạr ophạm aKindọm Họl phọ ayira

• Yira kotue ni osighẹ fọm Local Design/Construction Volunteer Application (DC-50) oghị olhoghonhaạn aḍighaạgh mem lọ ewạ odoghoḍi r’oḅilhẹ oselhemhi aruutu dị edi ekpisi anyinha

• Yira kotue ni osighẹ aani fọm mọ Application for Volunteer Program (A-19) orue olhoghonhaạn ḍighaạgh olạ agadạ ayira obobọ enhọn ekpisi dị olạ agadạ phọ omhoọgh oḍighi

IPOGH VIDIO PHỌ EMHOOM ESI DỊ OGBIIGHI OLHỌGH OTU—OOKPERA PHỌ, KỤ EPHANYANHAẠN SIPURU PHỌ EDAPHẠN BỌ SIẸN:

• Eeghe oboom oghị aghisigh kụ mamite esi eten phọ epẹ roḍighinhom bọ sividio emhiigh 2014?

• Orue omiteom asividio phọ yira owạ bọ, eeghe iyaạr kụ edị ogbiighi oḍighi, kụ eeghe amem kụ edị omaanhaạn?

• Ika kụ idị awe dị omiteom loor kologhonhaạn ḍighaạgh oḍighi phọ?

• Uḍighi ika kụ osighẹ afọm mọ (DC-50) olhoghonhaạn aani aḍighaạgh Local Design/Construction epẹ ekool phọ anyinha eḍighi bọ emạ eten obakị aani oḍighi phọ epẹ Ramapo?

• Eeghe iyaạr kụ iḍeenhaan mọ aZihova kụ raaḅakị oḍighi phọ ophọn phọ?

• Ika kụ idị yira kotue obakị aani oḍighi phọ ophọn ghalhamọ yira ko/tue okị olhoghoḍị aani aruutu phọ?