Ḍighinhom Kelhọm Ghuḍum K’agee-pọ! Epẹ Erugh Phọ

P’eeghe idị ilhoghi ayira eḅaạl omhoọgh omhoom abrosọ r’aḍimhoom aḍinyạ osighẹ otughemhiọm awe Baibul phọ! Yira rolọm ni mọ aZihova asẹph ikuph phọ ayira oḍighi ibadị bumatuạn. (Mat 28:18-20; 1Kọr 3:6-9) Yira koḍighinhom ika imhoom araraạr arukumuan phọ?

Loor esi iduọn aḍinyạ phọ Kelhọm Ghuḍum K’agee-pọ!, ituughạ aBaibul dị egbolhomaam nyinhạ, ephạm bọ emhoom eten itughemhị, daphạn iiḅakiọm mọ iphẹn mem dị nạ raakolhobian otughemhị oye Baibul r’amem dị nạ ratughemhị.a

• Ibạl siikpịgh phọ, kụ eeḅeghiọn sipuru phọ

• Ibạl riisi aBaibul phọ oḅẹm bọ mọ “ibạl,” kụ alhoghonhaạn ḍighaạgh opọ nạ ratughemhị bọ onhaghanhạn ipẹ esi phọ rekaạph bọ

• Ipegh kụ eghaạph ilọ asividio phọ, kụ asighẹ aḍighinhom torobọ aḍipuru dị omiteom

• Ikparaghạ ghan emadạn torobọ esi ituughạ mem

Nạ amite epẹ erugh phọ, pụr ghan angọ abrosọ phọ olhegheriom mughumọ oye phọ amoọgh ni ḍiḅeeraạn. (Miịn igbe phọ “Ilọ Ongọ Abrosọ Phọ Kelhọm Ghuḍum K’agee-pọ! Eḅẹl Eghị.”) Iyạl phọ anyinha retuughạ brosọ phọ remhạn, kụ odị rawạ ni oghiọm aghisigh, kụ angọ ḍinyạ phọ emhiigh otuughạ ekpịgh phọ 04. Eru maạr lọ nạ ratughemhiọm ghan oye iphoriphọ arinyạ phọ ayira, pọ sighẹ alhọgh Kelhọm Ghuḍum K’agee-pọ! phọ kụ asopha esi lọ nyinha kemiigh.

IPOGH VIDIO PHỌ ROMẠGH NI MỌ NẠ MASI ITUUGHẠ ABAIBUL PHỌ, KỤ EPHANYANHAẠN SIPURU PHỌ EDAPHẠN BỌ SIẸN:

• Abuẹn yira rotughemhị ghan bọ kotuughạ eeghe siẹn aḍimhoom aḍinyạ phọ?

• Eeghe kụ iḍighi kụ nạ kaḍeenhaan bọ ni vidio phọ ophọn phọ omoom oye dị nạ rawạ otughemhị aBaibul?

• Ighẹn asiigbu kụ edị nạ kagbor ghan aḅenhị opọ nạ ratughemhị bọ mọ aghonyị aḅilhẹ aphorogh ateẹny? —Miịn igbe phọ “Iyaạr Phọ Ogbon Bọ r’Asiigbu Atorobọ Ekpịgh”