Yoor Okol Ephomhoghiạn Phọ Anyinha R’osẹph AZihova

Ookpomhoghan phọ aTesalonikạ uḍeenhaan ni bueriphọ aKristẹn phọ ephomhoghiạn etigheri ḍikparamhinheẹn. (2 Tẹs 1:3, 4) Edọ phọ ephomhoghiạn phọ ephẹn phọ kụ edị awe phọ aZihova roḍeenhaan ghan bumor phọ abidị siẹn oomo aḅirinhi phọ. Emhuoghaạph phọ “Ipẹ Rosighẹ Ghan Bọ Iisogh Phọ Anyinha Koḍighinhom,” edi bọ jw.org, emạ ni emiteom reten kirokirọ dị iisogh phọ anyinha melhoghonhaạn ḍighaạgh bumor phọ siẹn asimem mọ iphẹn ekpạr bọ iduọn. Yoor rosereghiạn ni ephomhoghiạn phọ r’inmo olhoghonhaạn aḍighaạgh phọ anyinha.

IPOGH VIDIO PHỌ ‘YOOR RIGHOL GHAN NI INYINHA KOSẸPH ENHAẠN OOMO AMEM,’ KỤ EPHANYANHAẠN SIPURU PHỌ EDAPHẠN BỌ SIẸN:

• Ighẹn iiḍighi kụ edị rosighẹ ghan iisogh phọ ayira koḍighinhom?

• Eghẹn kụ emạ eten omiteom ikpoki ongọ, obakiọm abumor r’abumaranhi phọ ayira ekuom bọ?—Miịn emhuoghaạph dị edi jw.org dị eḅẹm mọ “Eliom Keetol Ekeeny, Ekeeny Eetol Eliom”