ORỌL GHAN ADỌL ONYỌ AKRISTẸN
“Moọgh Bin Dị Nạ Aseere”
Otelhedom mọ Pọl aromha mọ iisogh phọ ayira ki/ḍighi ghan ephirighan. Kparipẹ ghụn, ‘osighẹ’ ghan eẹny iyaạr ‘oseere.’ (1Kọr 16:2) Odaphạn ghan oromha phọ ophọn ophum bọ kụ ogẹ kilhoghonhaạn iyira ḍighaạgh ophophe iserereẹny iiseeny, kụ yira komoọgh ghan kẹn ibo. Ghalhamọ yira ulhoghoma mọ iisogh phọ ayira i/mạn maạr, aZihova rasereghiạn ghan ni iduọn rophooph olhoghi yira rosighẹ ghan bọ raraạr emhoọgh phọ ayira koghuenhiom nyodị.—Pr 3:9.
IPOGH VIDIO PHỌ MAḌIGHI OMHOỌGH ABIN DỊ NẠ ASEERE, KỤ EPHANYANHAẠN SIPURU PHỌ EDAPHẠN BỌ SIẸN:
Oghẹn kụ asuọ dị yira komoọgh eru maạr lọ yira ogbiighi ipẹ yira kosogh ghan bọ?
Ika kụ idị abuniin mosopha oḍighi omoọgh ghan abin dị bidị koseere ghan?