Odaluạn E/moon Dị Re/soph Ghan Mem—ABaibul Phọ Katue Ni Aloghonhaạn Ḍighaạgh?
Ophagharanhaạn aBaibul phọ
Ii. AZihova amoọgh ni ogbolhomaam akị esi arebenhẹ phọ odị u/moon bọ. Idị egbolhomaam oniin ebenhẹ odị dị akpẹ oḍuom olhoghi, aBaibul phọ aḅẹm mọ: “AZihova r’aloor odị kaloghonhaạn ni nyodị ḍighaạgh siphẹ emhinhạ e/moon phọ.” (Psalm 41:3) Eḍighi maạr dị nạ radaluạn e/moon dị re/soph ghan mem, iraạr phọ araraạr phọ iphẹn phọ ketue ni elhoghonhaạn nyinhạ ḍighaạgh:
Ḅeeḅereghị alhọm inyaạm okparạm. Nạ kamoọgh ni “eephọ phọ k’Enhaạn epel bọ dị oye katue alegheri,” dị kelhoghonhaạn nyinhạ ḍighaạgh okparạm.—Filipai 4:6, 7.
Moọgh egey ephoghom. ABaibul phọ aḅẹm mọ: “Areẹr kụ rangọ ghan oye omhoom aloor. Oghire ramạgh ghan ḍuugh oomo amem.” (Proverbs 17:22, Good News Translation) Tuughạ ilọ omhilhọgh ghan etigheri e/moon phọ, loor esi dị keḍimighi dọl e/ḅaạl olhoghi phọ anạ eḅilhẹ eloghonhaạn ḍighaạgh dọl omhoon aloor phọ anạ.
Ḍuom olhoghi ruguanhaan aBaibul phọ. Oḍuom olhoghi dị amhoon katue ni angọ nyinhạ ibo etigheri e/moon dị re/soph ghan mem. (Rom 12:12) ABaibul phọ aḅẹm mọ amem retu ni dị “oye ka/ḅẹm mun mọ: ‘Mị u/moon.’” (Isaiah 33:24) Enhaạn kaakonhom ni torobọ e/moon dị re/soph ghan mem, dị abuọ arookonhom mọ ko/tue ookonhom. Esi omaạm, abuphẹ mokpọ bọ koḅilhẹ ni oḍighi iḍoọgh loor esi dị aBaibul phọ aḅẹm mọ: “Eḍighi idị aḍizu phọ odị kekuạ epu ipẹ erọl ghan bọ mem iḍoọgh phọ odị; odị aḅilhẹ arọl idiphọ onyọ iḍoọgh r’inyaạm iḍoọgh phọ odị.”—Job 33:25.
Legheri mọ: Etigheri iduọn Abugbaanhaạn aZihova omheeraam bọ mọ Enhaạn katue ni aloghonhaạn ḍighaạgh oye dị u/moon, yoor rokị ghan ni kẹn otu arookonhom mem dị yoor osoman e/moon dị re/soph ghan mem. (Mạk 2:17) Toroboiperolbọ, yoor ro/mạ ghan eten arookonhom dị oye kadạph; yoor omiịn mọ enighẹ dị torobọ oye kụ kasopha ghan osopha dị agbolhomaam omhoon aloor odị.