“Bulọ Enaạn Kụ Meḅophoghị . . . ”

Olhogh phọ aMozis aḅẹm mọ oye lọ rawạ oseere anhịr odị mọ aakolhobian ḍinyạogbaranhaạn. Uḅẹm iduọn phọ pidị esophoghom oogborion ghan ogbaranhaạn. Kuolọ siḍio phọ aJizọs, abuḍiemiom aruukụ iiḅereghị phọ uḍighi iyaạr dị oseere anhịr adugh. Olhephiri oọny katue ni akol emhụ atorobọ iyaạr bịn aseere anhịr odị. (nwtsty araraạr ituughạ dị edi Mạk 10:​4, 11) AJizọs aghaạph ni aagholhomhi mọ aJihova kụ aphighi pinien. (Mạk 10:​2-12) Olom r’anhịr phọ koḍighi “iniin iphulupul” kụ oḅophạn bịn kiiḍuul. Eniin ephigh dị aBaibul phọ aghaạph dị kotue okol ogbaranhaạn, odaphạn ipẹ edi bọ Matiu, pọ “ole emạ.”​—Mat 19:9.

Rodon, ibadị u/miịn mun pinien idiphọ aJizọs amiịn bọ, kuolọ osighẹ idiphọ aFarisii phọ osighẹ bọ. Mem lọ iiḅaghamhị emite, abuọ aḅirinhi phọ roogborion ghan ogbaranhaạn. Kuolọ aKristẹn phọ abuẹn m’aalhạn bọ okạr kụ omaghamhị maạr ighunya apinien phọ abidị, kụ rokparaghạ ghan osighẹ asinhị-iilhogh aBaibul phọ kụ oolemhiom iiḅaghamhị abidị. Nạ rophogh vidio phọ Ephomhoghiạn r’Olhọgh Eegu Kụ r’Eḅophoghị Ghan Eghun-otu, kụ aphanyanhaạn sipuru phọ edaphạn bọ siẹn:

• 

  Nạ kaḍighinhom ika Proverbs 15:1 siphẹ apinien phọ anạ, kụ uḍighi ika kụ emhạn bọ ni maạr?

• Ika kụ idị Proverbs 19:11 k’alhoghonhaạn nyinhạ ḍighaạgh okoronhaan iiḅaghamhị?

• Eḍighi maạr lọ apinien phọ anạ raphighaphigha, kparipẹ rootughiạn mọ, ‘Yoor k’ogbaranhaạn ḍughụm?’ aḍighẹn aḍipuru kụ ikpẹ ootughiạn?

• Ika kụ idị nạ kaḍighi ogey olom obobọ anhịr mem lọ nạ asighẹ Matiu 7:12 kụ aḍighinhom?