Nạ Katue Ni Amoọgh Ekol Etighiri “Ooburom” Dị Agim Nyinhạ!

Siẹn asiḍio eekuna phọ eḍighi bọ ooto r’osoromineen phọ, iiḅaghamị dị eghịgh ooburom retoolị oomo arebenhẹ Enaạn. (2Tim 3:1) Ika kụ idị yira kobeḍenhọm aZihova kụ okaran iiḅaghamị kirokirọ phọ iphẹn? Pogh vidio phọ “Ariḍien Abuẹn r’O/miịn ghan bọ Eten k’Eḅaranụ ni” omhiịn idị aTalita Alnashi ḅilhẹ r’odẹ r’onhiin ph’odị oḍighi, kụ ephanyanhaạn sipuru phọ edaphạn bọ siẹn:

• Eeghe odọ “ooburom” kụ agim aTalita?

• Ighẹn aruguanhaan aBaibul kụ ilhoghonhaạn ḍighaạgh aTalita r’odẹ r’onhiin ph’odị omoọgh egey ephoghom araraạr?

• Ika kụ idị odẹ r’onhiin aTalita oḍeenhaan obeḍenhọm aZihova mem mọ oghị bọ otu arookonhom origheel?

• Ika kụ idị odẹ r’onhiin aTalita osighẹ oḍighinhom raraạr ookpomhoghan phọ olhoghonhaạn odị ḍighaạgh ophomhoghiạn Enaạn?

• Ika kụ idị aTalita aḍeenhaan m’odị aduraan ni r’agbị aZihova etigheri “ooburom” mọ agim bọ nyodị?

• Ika kụ idị eḍeenhaan phọ aTalita mekparamhị nyinhạ?