Eeghe Iyaạr Kụ Ikạr Emhạn Maạr Esi Amhị?

AJekọb aghol li ḍisẹph phọ aZihova emhạn bọ maạr iboom agbạ inhụgh r’ookpaạny. (Ge 32:24-31; Ho 12:3, 4) Kokaạph aani ika ilọ ayira? Yira ookolhobian ni oḍighi oomo ilọ yira kotue onhaghanhạn aZihova, obọ oteẹny aani ḍisẹph ph’odị ḍughụm? Esi omaạm, eḍighi maạr dị amem ituughạ ayira r’amem dị yira r’owạ olhọgh epẹ otu oḍighi phọ ayira eezuanhaan, yira kopin nyeghẹn? Mem dị yira oḍighi oomo ipẹ yira kotue bọ ongọ aZihova mem mọ ayira, inyaạm, ḅilhẹ r’araraạr emhoọgh phọ ayira, odị kuukuom ni iyira “ḍisẹph tutụ iyaạr iyira i/kuom.” (Mal 3:10) Odị kaaḅakị ni aḅilhẹ ughoph iyira, kụ aḅilhẹ aḍighi ipẹ r’iiḅaghamhị bọ iyira.—Mat 6:33; Hib 13:5.

IPOGH VIDIO PHỌ GBON SIIGBU ARUWALOOR, KỤ EPHANYANHAẠN SIPURU PHỌ EDAPHẠN BỌ SIẸN:

• 

  Ika kụ idị iyaạr dị onyọ umaranhi phọ aphomhoghiạn, edẹgh nyodị ephogh?

• 

  Ika kụ idị oḍighi ayira katue aḍighi odẹgh ophogh ungọ iyira?

• 

  Uḍighi ika kụ ewạ bọ dị aTimoti kakiọm ghisigh akonyị ghan siigbu ghalhamọ r’iduọn maḍighi bọ ni onyọ aKristẹn dị asi amananaạm?—1Tim 4:16

• 

  Ika kụ idị yira koḍeenhaan “okạr oḍighi phọ” uḅeraạn bọ iyira?