Orophomhi Aḍighalhanyạ Phọ Ayira Epẹ Erugh Phọ—Ongọ Ogbaanhaạn Oye Dị Odi Otu Dị Oghughiyogh

IYAẠR PHỌ EMHẠN BỌ NI MAẠR: Loor iduọn osoroghu iilhogh rafugh bọ oopha, ibadị ro/wạ ghan mun oghughuron eghuugh ongọ aruuruen, rowạ ghan ghụn orọl olhoghi kụ oḅaanhaạn ghan awe. Eeni iyira ki/dughanhaan ongọ ogbaanhaạn oye dị odị bịn kụ rumhiịn iyira. Ighiọm ilhoghi phọ iphẹn phọ kilhoghonhaạn ni iyira ḍighaạgh orue ongọ ogbaanhaạn oye dị aghughiyogh otu odị.

IPẸ KOḌIGHI BỌ:

• Ḍuomolhoghi mọ konaghạn ni. Ibadị konaghạn ni oghaạph phọ ghalhamọ r’iduọn oghughiyogh bọ ni otu phọ

• Ka/bula mọ eeni amem tutụ nạ kakar otu phọ bidị momhiịn ni nyinhạ, kụ eeni amem ronaghạn ni ipẹ nạ rakaạph bọ

• Mem dị uwotu phọ amhegheron, kaạph mudị nạ ramiịn ni nyodị. Yịgh kụ aḅilhẹ amaaghiạn eten phọ epẹ nạ raḍighi ghan bọ. Kaạph ipẹ nyinha emhiinhạn nạ mukaạph bọ. Eḍighi maạr dị esi dị oye phọ kapogh amhiịn nyinhạ edi, pọ ka/tumhan iboom esi phọ pidị amhiịn nyinhạ agey. Eḍighi maạr dị uwotu phọ u/pagharanhaạn, pọ ka/seere dom

• Ghalhamọ nyinha meghaạph ni emạn, ka/bula mọ eeni uwotu phọ raphogh ni nyinhạ obobọ ranaghạn ni idị nạ rakaạph