Inhọn Arumhuoghaạph Dị Edi Otu Okoriom Mọ

Ibadị abumor r’abumaranhi rosighẹ ghan ni JW Library^® phọ kookolhobianham ituughạ, bidị rosereghian ghan ni ipẹ redughanhaan ghan bọ bidị oḍuạ eniin emhuoghaạph ituughạ oghị enhọn emhuoghaạph ituughạ. Kuolọ Otu Okoriom mọ amoọgh ni inhọn arumhuoghaạph dị ephamhanhạm aani eḍien aruwaloor. Ika kụ edị nạ katue amiịn rumhuoghaạph phọ iphẹn phọ kụ aḅilhẹ amooghọm suọ, mem dị na aḍighinhom JW Library phọ?

• Nạ kamiịn ni eekunha atorobọ emhuoghaạph ituughạ Otu Okoriom, ebạm emhuoghaạph phọ “Additional Reading.” Nạ azụ siphẹ eeḍiạn ebạm emhuoghaạph phọ epẹ phọ kesighẹ nyinhạ ekị “Other articles in this issue.” Kiạ siphẹ edeọm arumhuoghaạph phọ edi bọ Otu Okoriom mọ kụ azụ emhuoghaạph dị nạ rawạ aạl dị i/ḍighi emhuoghaạph ituughạ.

• Nạ akpegheron JW Library nạ kamiịn ni ekpịgh dị oghol mọ “What’s New,” kụ adanlod torobọ omhoom Otu Okoriom dị nạ amhiịn. Kpegheron nyopọ nạ madanlod bọ kụ aghị aphogh edeọm arumhuoghaạph phọ edi bọ siphẹ Otu Okoriom mọ pidị nạ arue amhooghọm suọ oomo arumhuoghaạph phọ.