Jennésis

12 Konsa Jéhova di Abranm: “Kité péyi’w, kité lafanmi’w èk kité kay papa’w, èk alé adan péyi-a mwen kay moutwé’w-la. 2 Mwen kay fè’w vini yon gwo nasyon, èk mwen kay benni’w. Osi, mwen kay fè non’w gwan, èk ou kay vini yon bennédiksyon pou tout lòt moun. 3 Mwen kay benni moun ki benni’w, èk mwen kay modi moun ki kwiyé malédiksyon asou’w. Tout fanmi asou latè-a kay twapé bennédiksyon pou lapéti’w.” 4 Konsa Abranm alé menm kon Jéhova té di’y, èk Lòt té alé épi’y osi. Abranm té ni swasant kenz «75» lanné lè’y kité Harann.