LI 14-LI 20 JWIYÈT
PWOVÈB 22
Chanson 79 èk Lapwiyè | Pwèmyé Ti Pawòl (1 minit)
1. Pwensip Bib Ki Sa Édé’w Lévé Manmay Ou
(10 minit)
Pwépawé manmay ou pou sé difikilté-a yo kay èspéyansé an lavi yo. (Pwovèb 22:3; w20.10-E 27 ¶7)
Koumansé entwennen manmay ou dépi yo tou piti. (Pwovèb 22:6; w19.12-E 26 ¶17-19)
Kowijé manmay ou épi lanmityé. (Pwovèb 22:15; w06-E 4/1 9 ¶4)
2. Fouyé Bib-la Pou Twapé Wichès
(10 minit)
Pwovèb 22:29—Ki mannyè nou sa swiv pwensip-la ki an lévanjil sala, lè nou ka fè diféwan bagay an kongwigasyon-an? Èk ki bennéfis nou kay twapé? (w21.08-E 22 ¶11)
Ki bèl ti pwen ou twapé an Pwovèb 22 ou vlé patajé épi kongwigasyon-an?
3. Li On Pòsyon An Bib-la
(4 minit) Mafyou 13:18-30 (th lison 10)
4. Mannyè Pou Koumansé An Konmézasyon
(3 minit) LÈ’W KA PWÉCHÉ KAY AN KAY. (lmd lison 5 limowo 4)
5. Mannyè Pou Koumansé An Konmézasyon
(4 minit) BAY ON TÉMWENNAJ LÈ’W PA AN MINIS-LA. Moutwé moun-lan mannyè pou twapé enfòmasyon ki sa édé pawan asou jw.org. (lmd lison 1 limowo 4)
6. Diskou
(5 minit) ijwyp-E atik 100—Tit-la: Kisa Mwen Sipozé Fè, Paski Mwen Dézobéyi Pawan Mwen? (th lison 20)
Chanson 134
7. Ni Pasyans Épi Manmay Ou, Mé Pa Aksèpté Mové Kondwit
(15 minit) Diskasyon.
Lè pawan ka lévé manmay, yo bizwen an chay pasyans. Mé kanmenm, pou pawan konnèt sa ki ka fèt an lavi manmay yo, yo toujou ni pou pasé tan épi yo. (Ditonronnonmi 6:6, 7) Osi, pou pawan konnèt sa ki asou lidé manmay yo, yo ni pou mandé yo kwèsyon èvèk yo ni pou byen kouté lè manmay yo ka palé. (Pwovèb 20:5) Èk lè pawan ka bay manmay yo diwèksyon, délè yo ni pou wépété’y plizyè fwa pou sé manmay-la konpwann èk obéyi.
Kanmenm, pawan ki ni pasyans pa ka aksèpté mové kondwit. Anfen, sé Jéhova ki bay yo lotowité-a pou bay manmay yo diwèksyon, èk pou kowijé yo lè yo dézobéyi.—Pwovèb 6:20; 23:13.
Li Èfésòs 4:31. Èk apwé mandé kongwigasyon-an:
Pouki pawan pa sipozé kowijé manmay yo lè yo faché?
Li Galécha 6:7. Èk apwé mandé kongwigasyon-an:
Pouki i enpòtan pou pawan enstwi manmay yo ki, si yo fè sa ki mové, bagay mové kay wivé yo?
Jwé VIDIYO-A ‘Épi Pasyans, Sipòté Yonn A Lòt An Lanmityé’—Manmay Zòt. Èk apwé mandé kongwigasyon-an:
Ki lison ou apwann hòd vidiyo sala?
8. Létid Labib Nou
(30 minit) lfb “Yon Lèt Pwensipal Konmité-a Voyé”, entwodiksyon pou sèksyon 1, èk lison 1