LI 20-LI 26 ÒKTÒB
ÉKLÉZIYASTIS 9-10
Chanson 30 èk Lapwiyè | Pwèmyé Ti Pawòl (1 minit)
1. Mannyè Mwen Sipozé Gadé Pwòblenm Mwen
(10 minit)
Nou konnèt lè nou ka èspéyansé pwòblenm an lavi nou, sa pa vlé di Jéhova pa plè épi nou. (Ékléziyastis 9:11; w13-E 8/15 14 ¶20-21)
Nou konnèt an latè méchan Satan, nou kay èspéyansé enjistis. (Ékléziyastis 10:7; w19.09-E 5 ¶10)
Menm si nou ka èspéyansé pwòblenm, nou sipozé pwan tan pou enjwi sé bon bagay-la Jéhova ha ban nou. (Ékléziyastis 9:7, 10; w11-E 10/15 8 ¶1-2)
2. Fouyé Bib-la Pou Twapé Wichès
(10 minit)
Ékléziyastis 10:12-14—Ki avètisman sé vèwsé sala ka bay konsèné danjé-a la ni lè moun ka mal palé lòt moun? (it-E “Gossip, Slander” ¶4, 8)
Ki bèl ti pwen ou twapé an Ékléziyastis 9-10 ou vlé patajé épi kongwigasyon-an?
3. Li On Pòsyon An Bib-la
(4 minit) Mafyou 20:1-16 (th lison 11)
4. Mannyè Pou Koumansé An Konmézasyon
(3 minit) LÈ’W KA PWÉCHÉ AN PIBLIK. Koumansé an konmézasyon épi an moun ki ka gadé twis. (lmd lison 3 limowo 4)
5. Mannyè Pou Koumansé An Konmézasyon
(4 minit) BAY ON TÉMWENNAJ LÈ’W PA AN MINIS-LA. An moun di’w i ni tèt cho konsèné lajan. Konsa, ou sa patajé kéchòy épi’y hòd ti sèksyon-an “Lavéwité An Bib-la Nou Enmen Enstwi Moun”, anba sèksyon-an Lòt Enfòmasyon Ou Sa Li Ében Kouté (Pwèmyé Pa-a), an ti liv-la Enmen Moun. (lmd lison 4 limowo 4)
6. Fè Disip
(5 minit) lff lison 17 Chonjé Sé Pwen Sala, Annou Wivizé Sa Nou Ja Apwann, èk Mi Yonndé Bagay Ou Sa Fè. (lmd lison 12 limowo 3)
Chanson 47
7. Jéhova Kay Édé’w Lè’w Ka Èspéyansé An Sitiwasyon Ki Téwib
(15 minit) Diskasyon.
Toulé jou nou ni pou débat épi diféwan pwòblenm. Mé délè, adan sé pwòblenm-lan téwib èk yo ka vini sibitman. Èvèk a kòz di sa, nou pa ka sav sa pou fè, ében nou pé jis kwè nou pa kay sa tjébé fò. Bon. Ki moun ki sa édé nou? Èk kisa nou sa fè lè nou ka èspéyansé an sitiwasyon ki téwib?
Toujou chonjé népòt pwòblenm nou ka èspéyansé, Jéhova toujou ‘sé an sipò ki byen fò’, èk i kay édé nou. (Izaya 33:6) Mé, Jéhova vlé nou konnèt limit nou. (Pwovèb 11:2) Konsa si nou ka èspéyansé yon sitiwasyon ki téwib, nou ni pou ba kò nou asé tan pou fè bon disizyon, èk pou otjipé kò nou ében an moun nou enmen. Èvèk si nou pèd an moun an lanmò, nou ni pou ba kò nou asé tan pou pléwé.—Ékléziyastis 4:6.
Osi souvan Jéhova ka sèvi sé fwè èk sè-a pou fòtifyé yonn a lòt. Konsa nou vlé toujou pawé pou aksèpté èd hòd sé fwè èk sè-a, ében pou mandé yo pou èd. Èk chonjé, sé fwè èk sè’w-la enmen’w an chay, èk yo ka kontan pou édé’w.
Li 2 Kòrint 4:7-9. Èk apwé mandé kongwigasyon-an:
Poutji nou ni pou kontiné atandé mitin, li Bib-la, èk pwéché, menm si délè i difisil?
Jwé VIDIYO-A Jéhova Pwé Moun Ki Dékouwajé. Èk apwé mandé kongwigasyon-an:
Ki mannyè Jéhova té édé fwè èk sè Septer?
Ki mannyè sé fwè èk sè-a té édé fwè èk sè Septer?
Kisa ou apwann hòd ègzanp fwè èk sè Septer?
8. Létid Labib Nou
(30 minit) lfb lison 28, entwodiksyon pou sèksyon 6, èk lison 29