Jennésis

5 Abrahanm di sé sèvant li-a: “Wèsté la épi bouwik-la, mé mwen èk tibway-la kay adowé Bondyé èk nou kay witounen.” 12 Èk nanj-la di Abrahanm: “Pa fè gason-an mal, èk pa fè’y anyen. Apwézan mwen sav ou ni kwentif Dyé, paski ou pa wifizé pou ban mwen gason’w, sèl gason’w-lan.” 13 Lè sala, Abrahanm lévé zyé’y èk i wè an bélyé ki té an ti distans douvan’y. Èk konn bélyé-a té pwi adan an touf bwa. Alò, Abrahanm alé pwan bélyé-a èk i ofè’y kon an sakwifis bwilé an plas gason’y. 14 Èk Abrahanm kwiyé plas sala Jéhova-djayra. Sé pou wézon sala jik an jou kon jòdi, yo ka di: “An montany Jéhova, i kay potjiwé sa ki nésésè.” 15 Èk pou dézyenm fwa-a nanj Jéhova kwiyé Abrahanm hòd syèl-la 16 èk i di’y: “Mi sé sa Jéhova di: ‘Mwen ka sèvi non mwen menm pou sèwmanté. Paski ou té fè sa mwen té mandé’w-la, èvèk ou pa té wifizé pou ban mwen gason’w-lan, sèl gason-an ou ni-an, 17 mwen kay benni’w pou vwé. Èk mwen kay miltipliyé désandan’w menm kon sé étwal-la ki an syèl-la, épi menm kon sé gwenn sab-la ki bò lanmè-a. Osi, désandan’w kay pwan vil lèlmi yo. 18 An plis di sa, paski ou kouté vwa mwen, tout nasyon asou latè-a kay jwenn bennédiksyon gwanmèsi désandan’w.’”