1 Wa

6 Konsa i di wa-a: “Wapò-a mwen té tann an péyi mwen konsèné sa’w akonpli èk konsèné lasajès ou té vwé. 7 Mé mwen pa té kwè sa mwen té tann jistan mwen vini èk mwen wè’y épi dé zyé mwen. Sa mwen té tann pa té menm dimi sé sa mwen wè. Ou ni otan pli lasajès èk otan pli wichès pasé sa mwen té tann. 8 Pa dé bon i bon pou pèp ou, èk pa dé bon i bon pou sé sèvant ou-a ki ka toujou doubout douvan’w pou kouté lasajès ou! 9 Sé pou moun glowifyé Jéhova, Bondyé’w-la ki pwan plézi an ou, èk i mété’w asid asou twòn Izwayèl. Sé paski Jéhova ni lanmityé fidèl pou Izwayèl, i apwenté’w kon wa pou nasyon-an twapé jistis épi pou’w fè sa ki dwèt.” 10 Apwé sa i ba wa-a yon san ven «120» talan lò, an gwo kantité lwil balsanm, èk an pil wòch ki té ni an chay valè. Pyèsonn pa janmen mennen kantité lwil balsanm kon kantité lwil balsanm-lan wenn Chiba té mennen ba Wa Sòlomonn. 14 An yon lanné Sòlomonn té twapé sis san swasant sis «666» talan lò.