1 Wa

27 “Mé ès Bondyé kay vwéman wété asou latè-a? Gadé! Syèl-la, wi, syèl-la ki si tèlman gwan, pa sa menm tjenbé’w, jijéwè ti kay sala mwen bati-a! 28 Apwézan Jéhova, Dyé mwen, sé pou ou kouté lapwiyè sèvant ou èvèk kouté sa’y ka mandé’w-la. Épi sé pou ou kouté sèvant ou lè’y ka mandé’w pou èd, èvèk lapwiyè-a sèvant ou ka ofè douvan’w jòdi-a. 29 Lajounen kon lannwit, sé pou ou toujou gadé kay sala pou’w kouté sèvant ou lè’y ka pwédyé an diwèksyon kay sala, plas-la koté-a ou té di-a: ‘Sé la non mwen kay twapé laglwa.’ 30 Èvèk sé pou ou kouté sa sèvant ou mandé’w an lapwiyè, èk sa pèp ou Izwayèl ka pwédyé pou an diwèksyon kay sala. Osi, sé pou ou kouté hòd syèl-la, koté-a ou ka wèsté-a. Wi, sé pou ou kouté yo èvèk padonnen yo. 37 “Si péyi-a ni lafen, ében èpidèmik, ében si sé plan-an pa ka pwodwi akòz di maladi èben chanpiyon, ében si kwitjèt manjé sé plan-an, ében si lèlmi antwé yon vil an péyi-a, ében si pyès lòt plég ében pyès lòt maladi vini an péyi-a, 38 lè an moun ében tout pèp Izwayèl kwiyé asou’w an lapwiyè, ében lè on moun mandé’w pou èd (paski sé chak moun ki konnèt doulè-a ki an tjè’y), lè yo lévé lanmen yo an diwèksyon kay sala, 39 sé pou ou tann hòd syèl-la, plas-la ou ka wété-a, èvèk padonnen yo. Èk sé pou ou wékonpansé chak moun silon sa’y fè, paski ou konnèt sa ki an tjè’y (sé ou sèlman ki vwéman konnèt sa ki an tjè lézòm). 40 Konsa, yo pé ni kwentif pou ou padan tout tan-an yo ka viv an péyi-a ou té bay sé ayèl nou-an. 46 “Si yo péché kont ou (pas la pa ni pyèsonn ki pa ka péché) èvèk ou vini byen faché épi yo, èk ou ladjé yo an lanmen yon lèlmi, épi lèlmi-a mennen yo an pwizon an péyi lèlmi-a, ki sé on péyi ki lwen ében an péyi ki pwé; 47 èvèk padan yo an pwizon an péyi lèlmi-a, yo twapé bon sans yo ankò épi yo viwé jwenn ou, èk yo mandé’w padon èk yo di’w: ‘Nou péché kont ou. Nou pa té konpoté kò nou byen. Nou fè bagay ki méchan,’