Samz

56 Bondyé mwen, moutwé mwen favè, paski lézòm ka ataké mwen. Tout lajouné yo ka goumen kont mwen èk yo ka pèsikité mwen. 2 Tout lajouné lèlmi mwen ka malpalé mwen. Èk an pil moun ki ni lògèy ka goumen kont mwen. 3 Népòt lè mwen pè, sé an ou mwen ka mété konfyans mwen. 4 Mwen ka mété konfyans mwen an Bondyé. Mwen ka glowifyé pawòl li. Mwen pa kay pè. Kisa on moun sa fè mwen? 8 Ou té épi mwen an tout voyaj mwen. Souplé, anmasé tout lam dlo zyé mwen, èk mété’y an boutèy ou, ki fèt épi lapo bèt. Èskè ou pa té ékwi tout sé mové bagay-la ki té wivé mwen-an an liv ou-a? 9 Jou-a mwen mandé’w pou èd, sé lèlmi mwen-an kay kouwi. Mwen ni konfyans-lan Bondyé épi mwen. 11 Mwen ka mété konfyans mwen an Bondyé, alò mwen pa pè. Kisa lézonm sa fè mwen? 12 Bondyé, mwen oblijé fè sa mwen ja sèwmanté pou fè ba ou. Mwen kay ofè’w sakwifis pou mwen wimèsyé’w. 13 Sa sé paski ou té délivwé mwen hòd lanmò èk ou té anpéché mwen twilbliché. Konsa, mwen sa maché douvan Bondyé an klèté-a ki ka kléwé moun ki vivan.