Ègzodòs

11 Tout tan Moziz té tjenn lanmen’y anlè, sé jan Izwayèl-la té ka ganyen. Mé, lè lanmen Moziz té désann, sé jan Amalèk-la té ka ganyen. 12 Lè lanmen Moziz té koumansé fè’y mal, yo té pwan yon wòch pou’y asiz asou’y. Épi Éronn èk Hur té sipòté lanmen Moziz, yonn asou koté dwèt li, yonn asou koté gòch li, pou lanmen’y té sa wèsté anlè jis tan sòlèy-la kouché. 13 Konsa Jòchwa té bat jan Amalèk èk lòt moun ki té épi yo épi sab-la. 14 Apwé sa, Jéhova di Moziz: “Ékwi sa ki fèt-la an liv-la pou zòt pa obliyé. Èk mi sé sa ou kay di Jòchwa: ‘Mwen kay éfasi jan Amalèk nèt anba syèl-la.’” 15 Apwé sa Moziz fè an lotèl èk i kwiyé lotèl sala Jéhova-nisi. 16 Èk i di: “Paski jan Amalèk lévé lanmen yo kont twòn Jah, Jéhova kay fè ladjè épi Amalèk pou jennéwasyon apwé jennéwasyon.”