Ègzodòs

5 Mé si èslav-la di: ‘Mwen enmen mèt mwen èk mwen enmen madanm mwen èk sé manmay mwen-an, mwen pa vlé léchanlib mwen, 6 mèt li sipozé mennen’y douvan Dyé vwé-a. Apwé sa, mèt li kay mennen’y douvan lapòt-la ében douvan poto lapòt-la, l kay pèsé zòwèy li épi yon pikan. Kon sa, l kay vini èslav li pou tout lavi’y. 14 Si yon moun vini faché an chay kont pwochen’y èk i tjwé’y, moun sala sipozé mò, menm si sé douvan lotèl mwen-an zòt ni pou alé pwan’y. 22 “Si dé nonm ka goumen épi yonn di yo fwapé yon madanm ki ansent èk madanm-lan akouché avan lè, mé ni li ni ti bébé-a pa mò, moun-lan ki fwapé madanm-lan ni pou péyé pou donmaj-la silon sa mawi madanm-lan mandé’y pou péyé. Èk i ni pou péyé’y douvan sé jij-la. 23 Mé si manman-an ében ti bébé-a mò, ou ni pou bay lavi pou lavi.