Ègzodòs
5 Si’w wè bouwik yon moun ki hayi’w tonbé anba chay li, ou pa sipozé inyowé’y èk kité’y. Ou sipozé édé moun-lan libéwé zannimo-a. 9 Zòt pa sipozé mal twété yon étwanjé. Zòt byen konnèt mannyè i yé lè yon moun sé yon étwanjé, paski zòt menm té ka viv kon étwanjé an péyi Éjip. 20 Mwen ka voyé yon nanj douvan zòt pou’y pwotéjé zòt asou voyaj-la, èk pou’y mennen zòt koté-a mwen ja pwépawé bay zòt. 21 Zòt sipozé fè sa l di zòt pou fè-a. Pa wébèl kont li, paski i pa kay pawdonnen péché zòt. Paski non mwen asou’y.