Livitikòs

14 “Apwé sa pwèt-la kay pwan tizing an san bèt-la moun-lan ka ofè kon sakwifis pou péché’y. Épi pwèt-la kay mété san-an asou bout zòwèy dwèt moun-lan ki ka nétwayé kò’y, épi asou gwo pous lanmen dwèt li, épi osi asou gwo zòtèy pyé dwèt li. 17 Apwé sa, pwèt-la kay mété adan lèwèstan lwil-la ki an plat lanmen’y, asou bout zòwèy dwèt moun-lan ki ka nétwayé kò’y, épi asou gwo pous lanmen dwèt li, épi osi asou gwo zòtèy pyé dwèt li. Pwèt-la kay mété lwil-la menm koté l té mété san bèt-la moun-lan té ofè kon sakwifis pou péché’y. 25 Apwé sa pwèt-la kay tjwé jenn bélyé mouton-an moun-lan ofè kon sakwifis pou péché’y. Èk pwèt-la kay pwan tizing an san-an èk mété’y asou bout zòwèy dwèt moun-lan ki ka nétwayé kò’y, èk asou gwo pous lanmen dwèt li, épi osi asou gwo zòtèy pyé dwèt li. 28 Épi pwèt-la kay mété tizing an lwil-la ki an plat lanmen’y asou bout zòwèy dwèt moun-lan ki ka nétwayé kò’y, èk asou gwo pous lanmen dwèt li, èk osi asou gwo zòtèy pyé dwèt li. Pwèt-la kay mété lwil-la menm koté-a l té mété san bèt-la moun-lan té ofè kon sakwifis pou péché’y. 43 “Mé si maladi-a pawèt ankò an kay-la apwé yo tiwé sé wòch-la èk apwé yo gwaté kay-la épi plasta’y ankò, 44 pwèt-la kay alé épi ègzanminé kay-la. Si maladi-a ja simen an kay-la, sé lad ki an kay-la. Kay-la pa pwòp. 45 Lè sala pwèt-la kay fè yo kwazé kay-la. Èk l kay fè yo pòté tout wòch, tout planch, tout plasta èk tout mòtyé ki té an kay-la déwò vil-la, koté yo ka jété bagay ki pa pwòp.