Limowo
7 Ofè yo ansanm épi ofwan bwè-a, yon ka «1⁄4» hin diven pou chak mal mouton. Vidé ofwan bwè-a ki ni alkòhòl adan plas-la ki sen-an kon yon ofwan bay Jéhova. 11 “‘An koumansman chak mwa, zòt kay ofè kon an sakwifis bwilé bay Jéhova dé «2» jenn towo bèf, yon bélyé mouton, sèt «7» mal mouton ki ni yon lanné èk ki pa ni pyès défo. 12 Osi twa «3» dis pousan «10%» di yon ifa bon kalité fawin fwans mélé épi lwil kon an sakwifis gwenn pou chak towo bèf, èk dé «2» dis pousan «10%» di yon ifa bon kalité fawin fwans mélé épi lwil kon an sakwifis gwenn pou yon bélyé mouton-an. 13 Èvèk dis pousan «10%» di yon ifa bon kalité fawin fwans ki mélé épi lwil kon an sakwifis gwenn pou chak mal mouton, kon an sakwifis bwilé, kon an bon lòdè ki ka bay Jéhova plézi. 14 Épi bwè-a yo ni pou ofè-a sipozé an dimi hin diven pou an towo bèf, an tyè hin diven pou bélyé mouton-an, èk yon ka «1⁄4» hin diven pou an ti mal mouton. Sa sé sakwifis bwilé-a zòt ni pou ofè toulé mwa diwan lanné-a. 15 Osi, zòt sipozé ofè yon jenn kabwit kon an sawifis péché bay Jéhova apa di sakwifis bwilé-a ansanm épi ofwan bwè-a. 16 “‘Pasova Jéhova kay asou pwèmyé mwa-a, asou katòzyenm (14yenm) jou-a an mwa-a. 17 Èk asou kenzyenm «15yenm» jou-a an mwa sala, la kay ni an fèsten. Zòt kay manjé pen san lèlven pou sèt «7» jou. 18 Asou pwèmyé jou-a zòt kay tjenn an fèsten ki sen. Zòt pa sipozé fè pyès twavay wèd. 19 Èk zòt kay ofè dé jenn towo bèf, yon bélyé mouton, èk sèt «7» ti mal mouton ki ni yon lanné kon an sakwifis bwilé bay Jéhova. Sé pa pou sé zannimo sala ni pyès défo. 20 Osi, zòt sipozé ofè sé zannimo sala épi bon kalité fawin fwans mélé épi lwil kon yon ofwan gwenn. Twa «3» dis pousan «10%» di yon ifa fawin fwans pou yon towo bèf èk dé «2» dis pousan «10%» di yon ifa fawin fwans pou yon bélyé mouton. 21 Ou kay ofè dis pousan «10%» di yon ifa fawin fwans pou chak an sé sèt «7» ti mal mouton-an. 22 Èk osi, zòt kay ofè yon kabwit kon yon sakwifis péché pou zòt sa jwenn pawdonnasyon. 23 Zòt kay ofè sé sakwifis sala, apa di sé sakwifis bwilé-a zòt ka ofè toulé bonmaten-an. 24 Zòt kay ofè yo menm mannyè-a chak jou pou sèt «7» jou kon manjé. Sa sé an sakwifis bwilé kon an bon lòdè ki ka bay Jéhova plézi. Zòt sipozé ofè’y ansanm épi sakwifis bwilé-a zòt ka toujou ofè èvèk ofwan bwè-a. 25 Asou sètyenm «7yenm» jou-a zòt sipozé tjenn an fèsten ki sen. Zòt pa sipozé fè pyès twavay wèd asou jou sala. 26 “‘Asou jou-a zòt wékòlté pwèmyé fwi zòt-la, lè zòt bay Jéhova pwèmyé ofwan gwenn-lan, zòt sipozé tjenn an fèsten ki sen diwan sé simenn fèsten zòt-la. Zòt pa sipozé fè pyès twavay wèd asou jou sala. 27 Èk zòt kay ofè dé «2» jenn towo bèf, yon bélyé mouton, èk sèt «7» ti mal mouton ki ni yon lanné kon an sakwifis bwilé bay Jéhova kon an bon lòdè ki ka ba’y plézi. 28 Osi, zòt sipozé ofè sé zannimo sala épi bon kalité fawin fwans mélé épi lwil kon an ofwan gwenn. Twa «3» dis pousan «10%» di yon ifa fawin fwans pou an towo bèf èk dé «2» dis pousan «10%» di yon ifa fawin fwans pou an bélyé mouton. 29 Ou kay ofè dis pousan «10%» di yon ifa fawin fwans pou chak an sé sèt «7» ti mal mouton-an. 30 Èk osi, zòt kay ofè yon jenn kabwit pou zòt sa jwenn pawdonnasyon. 31 Zòt sipozé ofè yo ansanm épi sakwifis bwilé-a zòt ka toujou ofè-a èvèk ofwan gwenn-lan ansanm épi ofwan bwè-a. Sé zannimo-a pa sipozé ni pyès défo.