Ditonronnonmi

5 Paski anpanmi tout lafanmi Izwayèl, Jéhova, Bondyé’w, ja chwazi sé Livayt-la épi sé gason yo-a pou wann sèvis an non Jéhova pou tout tan. 10 La pa dwé ni pyèsonn anpami zòt ki ka bwilé gason’y ében fi’y an difé, ni pyèsonn ki ka chaché pou sav sa ki kay fèt denmen, ni majisyen, 11 ni pyèsonn ki ka jété cham asou moun, ni pyèsonn ki ka alé oti on gadè, ni moun ki di yo sa konminiké épi vyé lèspwi ében moun ki di yo sav sa ki kay fèt denmen, ni pyèsonn ki ka konsilté lé mò. 12 Paski Jéhova détèsté népòt moun ki ka fè sé bagay sala. Èk pou lapéti sé vyé pwatik sala, Jéhova, Bondyé zòt, ka tiwé sé nasyon-an douvan zòt. 19 Asiwé, moun-lan ki pa kouté pawòl mwen i palé an non mwen-an, kay ni pou di mwen pouki i pa kouté. 20 “Si yon pwofèt palé an non mwen, èk di bagay mwen pa té bay lòtowité pou di, ében si’y palé an non on lòt dyé, pwofèt sala ni pou mò. 21 Mé pitèt ou pé di an tjè’w, “Ki mannyè nou kay sav si pwofèt-la vwéman di nou pawòl Jéhova?” 22 Ében si pwofèt-la palé an non Jéhova épi sa i di pa vini vwé, lè sala ou kay konnèt Jéhova pa té di pawòl-la pwofèt-la té palé-a. Sé lògèy ki pousé pwofèt-la pou di sa’y té di-a. Ou pa sipozé pè’y.’