Ditonronnonmi

9 Kouté jan Izwayèl, jòdi-a zòt ka janbé Lawivyè Jouden-an; pou antwé an tè sé nasyon-an ki pli gwo èk pli fò pasé zòt; pou zòt pwan gwo vil ki byen pwotéjé épi bawad wòch ki ka wivé jis an syèl, 2 an gwan konpanni moun ki pli ho pasé zòt, désandan Annak. Zòt konnèt sé moun sala, èk zòt ja tann moun di: ‘Ki moun kisa doubout douvan sé gason Annak-la?’ 3 Konsa, mwen vlé zòt sav, jòdi-a, Jéhova Bondyé zòt ka janbé lawivyè-a avan zòt. I sé an gwo difé, èk i kay détwi yo nèt. I kay fè yo bésé kò yo douvan zòt, pou zòt sa kouwi dèyè yo vitman, èk détwi yo, menm kon Jéhova té ja pwonmèt zòt.