Jòchwa

7 Yon sèl bagay: sé pou ou pwan kouwaj èk wann kò’w byen fò. Épi, byen swiv tout Lwa-a Moziz sèvant mwen-an té ba ou-a. Pa alé ni a dwèt ni a gòch, pou ou sa aji épi lasajès népòt koté ou alé. 8 Pawòl ki an liv Lwa-a sipozé toujou an bouch ou. Ou sipozé li’y èk pansé asou’y lannwit kon lajouné, pou’w sa byen swiv tout sa ki ékwi adan’y. Konsa, ou kay ni lasajès an tout sa ou ka fè èk ou kay ni siksé. 9 Ès mwen pa té konmandé’w? Sé pou ou pwan kouwaj èk wann kò’w byen fò. Sé pa pou ou pè èk sé pa pou ou kwapon, paski mwen Jéhova, Bondyé’w-la épi’w népòt koté ou alé.