Jij

12 Nanj Jéhova pawèt douvan’y èk i di’y: “Ou sé an sòlda vayan èk Jéhova épi’w.” 14 Jéhova tounen èk gadé’y èk di’y: “Alé èk fòs-la ou ni-a èk sové pèp Izwayèl anba lanmen Midiyann. Ès sé pa mwen ki voyé’w?” 15 Gidiyonn wéponn li: “Èskizé mwen Jéhova. Ki mannyè mwen sa sové Izwayèl? Gadé! An lafanmi Mannasa sé fanmi mwen ki ni mwens enpòtans, èk sé mwen ki ni mwens enpòtans an kay papa mwen. 23 Mé Jéhova di’y: “Mwen ka swété’w lapé. Ou pa ni pou pè; ou pa kay mò.” 24 Konsa Gidiyonn bati yon lotèl la bay Jéhova. Èk jik an jou kon jòdi, yo ka kwiyé lotèl sala Jéhova-chélom. Lotèl sala an Ofra toujou, plas-la koté sé Abiyèzrayt-la té ka wèsté. 27 Gidiyonn pwan dis nonm anpami sèvant li èk i fè menm sa Jéhova té di’y pou fè. Mé paski i té pè fanmi papa’y èk sé jan plas-la an pil, i fè sa Jéhova té di’y pou fè lannwit pito lajouné.